Red or Green Apple: ‘रोज एक सफरचंद खा आणि डॉक्टरांपासून दूर राहा’ ही लोकप्रिय म्हण या साध्या फळाशी संबंधित असंख्य आरोग्यदायी फायद्यांचे प्रतिबिंब आहे. आवश्यक पोषक तत्वे आणि फायबरचा एक उत्कृष्ट स्रोत, सफरचंद अनेक प्रकारे पचनक्रिया आरोग्यास मदत करते. पण, बाजारात मोठ्या प्रमाणात उपलब्ध असलेल्या दोन प्रकारच्या सफरचंदांपैकी लाल आणि हिरवे – आतड्यांच्या आरोग्यासाठी कोणते चांगले आहे? हे आपण जाणून घेऊया.
चेन्नईतील श्री बालाजी मेडिकल सेंटरमधील नोंदणीकृत आहारतज्ज्ञ दीपलक्ष्मी यांच्या मते, या दोन्ही सफरचंदांमध्ये मुख्य फरक त्यांच्या साखरेचे प्रमाण, अँटिऑक्सिडंटची पातळी आणि ते देत असलेल्या फायबरच्या प्रकारांमध्ये आहेत, जे एकूण आरोग्यावर आणि आतड्यांच्या कार्यावर त्यांचा प्रभाव पाडतात.
हिरवे सफरचंद
“ग्रॅनी स्मिथसारखी हिरवी सफरचंद त्यांच्या आंबटपणासाठी ओळखली जातात आणि लाल सफरचंदांच्या तुलनेत नैसर्गिक साखरेचे प्रमाण त्यात कमी असते. यामुळे ते रक्तातील साखरेची पातळी नियंत्रित करणाऱ्या व्यक्तींसाठी विशेषतः योग्य ठरते, कारण त्यांचा ग्लायसेमिक इंडेक्स कमी असतो.”
दीपलक्ष्मी म्हणाल्या की, हिरव्या सफरचंदांमध्ये आहारातील फायबरचे प्रमाण थोडे जास्त असते, विशेषतः पेक्टिन, एक विरघळणारे फायबर जे आतड्यांच्या हालचालींचे नियमन करण्यास मदत करते, फायदेशीर आतड्यांतील बॅक्टेरियाच्या वाढीस प्रोत्साहन देते आणि आतड्यांतील मायक्रोबायोटा विविधता वाढवून आतड्यांचे आरोग्य राखते.
त्यांनी पुढे सांगितले की, त्यामध्ये पॉलीफेनॉलदेखील असतात, जे त्यांच्या दाहक-विरोधी आणि अँटिऑक्सिडंट गुणधर्मांसाठी ओळखले जातात, जे ऑक्सिडेटिव्ह ताण आणि जळजळीपासून संरक्षण करून निरोगी आतड्यांमध्ये योगदान देतात.
लाल सफरचंद
त्यांच्या मते, लालभडक सफरचंद गोड असतात आणि त्यांच्या त्वचेत आढळणारे शक्तिशाली अँटिऑक्सिडंट्स असलेले अँथोसायनिन्सचे प्रमाण जास्त असते. हे अँटिऑक्सिडंट्स आतड्यांना ऑक्सिडेटिव्ह नुकसानापासून वाचवण्यास मदत करतात, हृदयाच्या आरोग्यास समर्थन देतात आणि जळजळ कमी करू शकतात, ज्यामुळे एकूण आतड्यांच्या आरोग्याला फायदा होतो.
“लाल सफरचंदांमध्ये हिरव्या सफरचंदांपेक्षा किंचित कमी फायबर असते, तरीही ते विरघळणारे आणि अघुलनशील दोन्ही प्रकारचे फायबर उत्तम प्रमाणात प्रदान करतात, जे नियमित आतड्यांची हालचाल आणि निरोगी पचनसंस्था राखण्यासाठी महत्त्वाचे आहे.”
लाल विरुद्ध हिरवे कोणते अधिक फायदेशीर?
“लाल आणि हिरवे दोन्ही सफरचंद आतड्यांच्या आरोग्यासाठी फायदेशीर असले तरी हिरव्या सफरचंदांमध्ये साखरेचे प्रमाण कमी असल्याने आणि फायबरचे प्रमाण जास्त असल्याने वजन नियंत्रित करू इच्छिणाऱ्या किंवा रक्तातील साखरेचे नियंत्रण वजन कमी करू इच्छिणाऱ्या व्यक्तींमध्ये आतड्यांचे आरोग्य सुधारण्यासाठी थोडीशी मदत होऊ शकते,” असे दीपलक्ष्मी म्हणाल्या.
