रोज सकाळी उठल्यानंतर एक लिटर पाणी प्यायले तर काय होईल? तज्ज्ञ काय सांगतात, वाचा

“सकाळी उठल्यानंतर लगेच एक लिटर पाणी पिणे हे फायदेशीर असू शकते आणि आरोग्यासाठी चमत्कारी ठरू शकते,” असे मत डॉ. मंजुषा अग्रवाल यांनी द इंडियन एक्स्प्रेसला माहिती देताना व्यक्त केले. त्या मुंबईतील परळ येथील ग्लेनिगल्स हॉस्पिटलमध्ये इंटरनल मेडिसनचे वरिष्ठ सल्लागार आहेत.

६-८ तासांची झोप घेतल्यानंतर शरीरातील पाण्याची पातळी कमी होते. “सकाळी उठल्यानंतर लगेच पाणी प्यायल्याने शरीरातील अवयवांना जाग येते, म्हणजेच त्यांचे कार्य सुरू होते; ज्यामुळे शरीरातील विषारी घटक बाहेर टाकले जातात आणि दररोज चांगले कार्य करण्यासाठी शारीरिक प्रणालीला चालना मिळते. तसेच सर्वात महत्त्वाचा फायदा म्हणजे पचनक्रिया सुधारते,” असे डॉ. अग्रवाल सांगतात.

तज्ज्ञांच्या सल्ल्यानुसार, पाणी तुमचे पोट आणि आतड्याचे कार्य सुरळीतपणे पार पडण्यासाठी मदत करते. तसेच त्यामुळे पोटफुगी किंवा बद्धकोष्टतेचा (पोट साफ न होण्याचा) त्रास टाळता येतो. जे लोक पाणी पिऊन आपला दिवस सुरू करतात, त्यांना त्यांच पचनक्रिया सुधारल्याचा अनुभव आला आहे. तसेच त्यांच्या त्वचेमध्येही खूप फरक झाल्याचे जाणवले आहे. त्वचा ताजी, मुलायम आणि त्वचेतील पाण्याची पातळी वाढल्याचे जाणवेल. पाणी शरीरातील विषारी पदार्थ काढून टाकते, ज्यामुळे मुरुमे आणि कोरडेपणा कमी होण्यास मदत होते, ज्यामुळे तुमच्या त्वचेला चमक येते,” असे डॉ. अग्रवाल यांनी स्पष्ट केले.

सकाळी लवकर पाणी पायल्याने तुमची ऊर्जा पातळीदेखील वाढते. “जेव्हा तुमच्या शरीरातील पाण्याची पातळी राखण्यासाठी सकाळी लवकर पाणी पिता, तेव्हा तुमचा मेंदू चांगले काम करतो, तुम्हाला अधिक सतर्क झाल्यासारखे वाटते आणि तुमचा मूड सुधारतो. सकाळी पाणी प्यायल्याने कॅलरीचा उर्जेसाठी वापर होण्यास आणि वजन नियंत्रणात मदत होऊ शकते, तसेच संतुलित आहार घेणे आणि दररोज व्यायाम करणे,” असे डॉ. अग्रवाल म्हणाले.

म्हणून जर तुम्हाला ताजेतवाने, अधिक सक्रिय आणि तंदुरुस्त होण्यासाठी एक सोपा, नैसर्गिक मार्ग हवा असेल तर दररोज सकाळी एक लिटर पाणी पिण्याचा प्रयत्न करा. “हृदय, यकृत आणि मूत्रपिंडाच्या समस्या असलेल्या लोकांनी इतक्या प्रमाणात पाणी घेण्याबाबत सावधगिरी बाळगली पाहिजे आणि त्यांच्या डॉक्टरांच्या सल्ल्याचे पालन करावे आणि त्यानुसार ते घ्यावे,” असे डॉ. अग्रवाल यांनी स्पष्ट केले.