Why you should eat your meals in the sun: रोज आपण धावपळ करतो, घरातील कोणतीही कामं करतो, त्यासाठी जी एनर्जी लागते ती अन्नातून मिळत असते. मात्र, किती लोकं रोजच्या जेवणाच्या वेळा तंतोतंत पाळतात किंवा कशा पद्धतीनं जेवण करतात हे महत्त्वाचं आहे. तुमच्या कधी लक्षात आलंय का, फिरायला गेल्यावर मोकळ्या आभाळाखाली जेवताना अन्नाची चव नेहमीपेक्षा चांगली लागते किंवा सूर्यप्रकाश येणाऱ्या एखाद्या खिडकीत बसून जेवण केल्यानं तुमचा मूड फ्रेश होतो. हो, सूर्यप्रकाशात जेवण केल्यानं बरेच फायदे मिळतात. मुंबईतील कोकिलाबेन धीरूभाई अंबानी हॉस्पिटलच्या मुख्य आहारतज्ज्ञ प्रतीक्षा कदम तसेच सर्वांगीण आरोग्य आणि वेलनेस प्रशिक्षक ईशा लाल यांनी यांनी द इंडियन एक्स्प्रेसशी बोलताना या संदर्भात सविस्तर माहिती दिली आहे.
जेवणादरम्यान सूर्यप्रकाश असेल तर उत्तम पचन, हार्मोनल समतोल आणि एकूणच आरोग्याशी जोडणाऱ्या वाढत्या संशोधनाकडे निर्देश करतात. नैसर्गिक प्रकाशात खाण्याचे काही प्रमुख फायदे येथे आहेत:
सूर्यप्रकाशामुळे पचन, चयापचय आणि झोप नियंत्रित करते. नेचर रिव्ह्यूज एंडोक्रिनोलॉजी (2019) मधील एका अभ्यासात असे दिसून आले आहे की, नैसर्गिक प्रकाशात जेवल्याने पोषक तत्वांचे शोषण सुधारते आणि टाइप २ मधुमेहासारख्या रोगांचा धोका कमी होतो.
नैसर्गिक सूर्यप्रकाश सेरोटोनिन (फील-गुड हार्मोन)चे उत्पादन वाढवते, ज्यामुळे तुमचा मूड फ्रेश होतो. जर्नल ऑफ क्लिनिकल एंडोक्रिनोलॉजी अँड मेटाबोलिझम (२०१४) मध्ये प्रकाशित झालेल्या एका अभ्यासात असे आढळून आले आहे की, तेजस्वी प्रकाशामुळे सेरोटोनिन वाढते, जास्त खाण्यावर कंट्रोल करता येते.
जेवणादरम्यान सूर्यप्रकाश असेल तर एक्सपोजरमुळे तुमच्या शरीरातील व्हिटॅमिन डी वाढू शकते. व्हिटॅमिन डी कॅल्शियम शोषण, रोगप्रतिकारक आरोग्य आणि अगदी आतड्यांतील मायक्रोबायोटा संतुलनात महत्त्वपूर्ण भूमिका बजावते. मुख्य आहारतज्ज्ञ प्रतीक्षा कदम यांनी सांगितले की, जेव्हा सूर्यप्रकाश तुमच्या शरीरावर पडतो, तेव्हा ते व्हिटॅमिन डीचे उत्पादन वाढवते आणि यामुळे कॅल्शियमचे शोषण वाढते आणि हाडांची घनता सुधारते. “तुम्ही दिवसभरात चांगली कामगिरी करता म्हणून जेव्हा तुम्ही सूर्यप्रकाशात जेवण करता तेव्हा तुमचे आरोग्य सुधारते. अभ्यासात असे आढळून आले आहे की, दिवसा खाल्ल्याने रक्तातील साखरेवर नियंत्रण ठेवण्यास मदत होते, परिणामी वजन व्यवस्थापन आणि चयापचय आरोग्य चांगले राहते.”
जेवणाची योग्य वेळ
- तज्ज्ञांच्या मते, सकाळचा नाश्ता आरोग्यासाठी खूप महत्त्वाचा आहे. जर तुम्हाला याचा पुरेपूर फायदा घ्यायचा असेल तर तुम्ही योग्य वेळी नाश्ता केला पाहिजे. यासाठी सर्वोत्तम वेळ सकाळी ७ ते ८ आहे.
- दुपारच्या जेवणाचीही वेळ असते, यानंतर दुपारचे जेवण केल्यास शारीरिक समस्या वाढू शकतात. दुपारी १२.३० ते २ पर्यंत जेवणाची उत्तम वेळ आहे.
- जर तुम्हाला तंदुरुस्त आणि निरोगी राहायचे असेल तर रात्रीचे जेवण संध्याकाळी ६ ते ८ या वेळेत करा.
