Hibiscus Flower Tips: जास्वंदीला भरपूर कळ्या आणि गडद रंग येण्यासाठी करा 'हा' सोपा उपाय; श्रम आणि पैसे वाचवणारा VIDEO एकदा पाहाच

Hibiscus flower growth Tips: जास्वंदीच्या रोपाला भरगच्च फुलं यावीत आणि फुलांचा रंग गडद व्हावा तसेच कीड, बुरशीपासून बचाव करण्यासाठी आपण घरच्या घरीच हे खत तयार करू शकतो.

Hibiscus flower growth Tips: या उपायामुळे झाडाचा/रोपाचा किडीपासून बचाव होईल

Hibiscus flower Tips: आपल्या बाल्कनीची शोभा वाढवण्यासाठी विविध प्रकारची रोपे लावण्याची आवड अनेकांना असतेच. पण, ऋतु बदलानंतर या रोपांची काळजी घेणंही तितकंच परिश्रमाचं होऊन जातं. झाडांना भरगच्च फुले यावीत, त्यांचा किडीपासून बचाव व्हावा यासाठी आपले अथक प्रयत्न सुरू असतात. तसंच रोजच्या वापरात येणाऱ्या फुलांची आणि त्यांच्या रोपांची आपण अधिक काळजी घेतो.

यातलंच गणपती बाप्पाला आवडणारं लाल रंगाचं फूल म्हणजेच जास्वंद. जास्वंदीचं रोप अनेकांच्या बाल्कनीत असतं. जास्वंदीच्या रोपाला भरगच्च फुलं यावीत आणि फुलांचा रंग गडद व्हावा तसेच कीड, बुरशीपासून बचाव करण्यासाठी आपण घरच्या घरीच एक खत तयार करू शकतो. त्याबद्दल जाणून घेऊया.

जास्वंदीच्या झाडाच्या खतासाठी करा ‘या’ दोन वस्तूंचा वापर (Hibiscus Flower Tips)

कांद्याच्या साली

कांद्याच्या साली झाडांना फुलं येण्यासाठी अत्यंत फायदेशीर ठरतात. कारण यामध्ये पोटॅशियमस फॉस्फरस, सल्फर झिंक, मॅग्नेशियम यांसारखे घटक मुबलक प्रमाणात असतात. त्यामुळे याचा वापर आपण खत म्हणून केला तर झाडाची वाढ ही चांगली होतेच, पण झाडावर कळ्या आणि फुलेदेखील जास्त प्रमाणात लागतात. त्याचबरोबर झाडावर लागलेल्या कळ्या मोठ्या आकाराच्या होतात. उमललेल्या फुलांचा रंग गडद होण्यासाठी या कांद्याच्या सालीचा चांगला फायदा होतो.

हेही वाचा… Rose Flower Tips: गुलाबाच्या रोपाला पटापट कळ्या येण्यासाठी हळदीचा हा सोपा उपाय करून पाहा; पैसे वाचवणारा जुगाडू VIDEO

कांद्याच्या साली खताचे काम करतात, तसंच कीटकनाशक बुरशीनाशक म्हणूनदेखील त्यांचा चांगला फायदा होतो.

कृती

१. कांद्याच्या सालीपासून खत तयार करून घेण्यासाठी साली आपल्याला जेवढ्या प्रमाणात हव्यात तेवढ्या घेऊन त्या दोन दिवसांसाठी पाण्यामध्ये भिजत ठेवायच्या. दोन दिवसांनंतर या पाण्याचा रंग बदलेला दिसेल, म्हणजेच आपलं हे जे खत आहे ते तयार होईल.

२. या पाण्याचा वापर झाडाला डायरेक्ट न करता, पाण्यामध्ये डायल्यूट करून याचा वापर आपण खत म्हणून झाडाला करायचा आहे.

३. याचा वापर कीटकनाशक म्हणूनदेखील करू शकतो.

४. हे पाणी एखाद्या गाळणीच्या किंवा कापडाच्या सहाय्याने गाळून घ्यावे, जेणेकरून यातील कण स्प्रे बॉटलमध्ये अडकणार नाहीत.

५. जेव्हा झाडावर या पाण्याचा स्प्रे करायचा असेल तेव्हा मात्र पाण्याचं प्रमाण वाढवून घ्यायचं, म्हणजे एक मग पाणी असेल तेव्हा त्यामध्ये तीन मग साधं पाणी मिक्स करून नंतर त्याचा स्प्रे झाडावर करायचा आहे.

हेही वाचा… Benefits of Walking: दररोज ३ किमी चालण्याचा शरीरावर होतो ‘असा’ परिणाम; जाणून घ्या

लिंबू

कांद्याच्या सालीपासून तयार केलेल्या पाण्यामध्ये लिंबाचा रस टाका. एक लिटर कांद्याचं पाणी असेल तर दोन ते तीन थेंब लिंबाचा रस टाकायचा.

लिंबाचा रस कुंडीतील माती ॲसिडीक करण्याचे काम करते आणि झाडांना भरपूर फुले येण्यासाठी या मातीची आवश्यकता असते.

This quiz is AI-generated and for edutainment purposes only.

१० ते १२ इंचाची जर एक कुंडी असेल तर त्यासाठी एक मग या खताचा वापर करायचा आहे.

Web Title: Hibiscus flower grow fast home remedy of onion peel gardening tips video dvr

Hibiscus Flower Tips: जास्वंदीला भरपूर कळ्या आणि गडद रंग येण्यासाठी करा ‘हा’ सोपा उपाय; श्रम आणि पैसे वाचवणारा VIDEO एकदा पाहाच

जास्वंदीच्या झाडाच्या खतासाठी करा ‘या’ दोन वस्तूंचा वापर (Hibiscus Flower Tips)