रात्री उरलेल्या चपातीपासून मुलांसाठी बनवा देसी पिझ्झा; जाणून घ्या बनवायचा कसा

साहित्य

• उरलेली चपाती
• एक चमचा तेल
• एक कप किसलेले मोझरेला चीज
• एक टेबलस्पून पिझ्झा सॉस
• अर्धा कांदा
• अर्धी शिमला मिरची
• अर्धा टोमॅटो
• अर्धा कप उकडलेले कॉर्न
• ओरेगॅनो
• चिली फ्लेक्स

(हे ही वाचा: Recipe: लहान मुलांसाठी घरच्या घरी बनवा Banana Pancake; रेसिपी आहे एकदम सोपी)

कसे बनवाल?

देसी पिझ्झा बनविण्यासाठी सर्वात आधी सर्व भाज्या स्वच्छ धुवून घ्या. त्यानंतर या भाज्या उभ्या कापून घ्या. आता उरलेली चपाती घ्या आणि त्याचे थर चांगले उघडा. चपातीमध्ये किसलेले चीज भरा आणि नंतर झाकून ठेवा. आता चपातीच्यावर पिझ्झा सॉस आणि चीज पसरवा. नंतर सर्व कापलेल्या भाज्या चपातीवर व्यवस्थित ठेवा. त्यानंतर वरून थोडं चीज घाला. आता कढई गरम करून त्यावर तेल किंवा बटर लावा.आता हा चपाती पिझ्झा पॅनमध्ये ठेवा आणि वरून झाकून घ्या.४ ते ५ मिनिटांनी झाकण काढून रोटी पिझ्झाचे चार तुकडे करा आणि मग त्यात ओरेगॅनो-चिलीफ्लेक्स घालून सर्व्ह करा.