03 March 2021

News Flash

भारतासह विदेशातही ‘लेट अवनी लिव्ह’ मोहीम

वाघिणीला पकडण्यासाठी सुरू असलेल्या प्रयोगांवर टीका

( संग्रहीत प्रतिकात्मक छायाचित्र )

वाघिणीला पकडण्यासाठी सुरू असलेल्या प्रयोगांवर टीका

पांढरकवडा येथील नरभक्षक वाघिणीला पकडण्यासाठी सुरू असलेल्या नवनवीन प्रयोगांबाबत भारतातच नव्हे तर आंतरराष्ट्रीय स्तरावर देखील राज्याच्या वनखात्यावर सडकून टीका होत आहे. इंग्लंड, अमेरिका, फ्रान्सच्या नागरिकांनी समाजमाध्यमांवरुन एकूणच या कार्यपद्धतीवर टीका केली आहे तर कॅनडातील भारतीयांनी तेथील शॉपिंग मॉलमध्ये निदर्शने केली. आता भारतासोबतच आंतरराष्ट्रीय स्तरावरही ‘लेट अवनी लिव्ह’ या नावाने त्या वाघिणीच्या बचावासाठी मोहीम सुरू झाली आहे.

पांढरकवडय़ातील टी-१ वाघिणीला बेशुद्ध करुन जेरबंद करण्यासाठी २२ सप्टेंबरपासून राज्याच्या वनखात्याने तब्बल २०० लोकांना घेऊन मोहीम सुरू केली आहे. मात्र, महिना होत आला तरी वनखात्याला अजूनही यश आलेले नाही. त्यामुळे आता वनखात्याच्या कार्यपद्धतीवर ताशेरे ओढले जात आहेत. टी-१ वाघिणीला जेरबंद करण्यासाठी आधी हत्ती, नंतर घोडे, इटालियन श्वान, पॅरामोटर्स आणि आता डुकरांचा वापर करण्यात येत आहे. मात्र, कुत्रे आणि डुकराच्या वापर चुकीचा असल्याची टीका केली जात आहे. डुकरांमुळे संसर्गजन्य आजार पसरण्याची शक्यता पशुवैद्यकीय अधिकारी व्यक्त करत आहेत.

तब्बल २३ दिवसांपासून वाघिणीच्या संदर्भात सुरू असलेल्या या वैध-अवैध प्रयोगांची दखल आता आंतरराष्ट्रीय पातळीवरही घेण्यात आली आहे. इंग्लंडमधील डॅन रिचर्डसन यांनी थेट प्रक्षेपणाद्वारे, मौल्यवान वाघीण आणि तिच्या बछडे धोकादायक स्थितीत असून त्यांना वाचवा म्हणून आवाहन केले आहे. त्यासाठी त्यांनी सह्यंची मोहीम देखील राबवली. पहिल्याच प्रक्षेपणात तब्बल १५ हजार सह्य झाल्या. त्या ५० हजारापर्यंत जातील असा विश्वास त्यांनी समाजमाध्यमांवरुन व्यक्त केला आहे. लंडनमधील आठ वर्षीय स्कार्लेट रॉबर्टसन या मुलीने देखील समाजमाध्यमांवरुन वाघिणीला वाचवण्याचे आवाहन केले आहे. विशेष म्हणजे, देहरादूनच्या भारतीय वन्यजीव संस्थेच्या फेसबुक पेजवरुनदेखील ‘लेट अवनी लिव्ह’ या मोहिमेला समर्थन देण्यात आले आहे.

दिल्ली, हैदराबादमध्येही पडसाद

आतापर्यंत नागपूरसह दिल्ली, मुंबई, गोवा, सिलिगुडी, कोलकाता येथे या वाघिणीला वाचवण्यासाठी मोहीम राबवण्यात आली. रविवार, १४ ऑक्टोबरला दिल्लीच्या पालिका बाजार येथून, बंगलोरच्या टाऊन हॉल येथून, पुण्यातील फग्र्युसन महाविद्यालयातून ‘रोअर्स फॉर अवनी’, ‘सेव्ह टायग्रेस अवनी’, ‘लेट अवनी लिव्ह’अशा नावानी मोहीम राबवण्यात येणार आहे. हैदराबादच्या डॉग्स पार्क येथून १४ ऑक्टोबरला, तर केबीआर पार्क येथून १५ ऑक्टोबरला ही मोहीम राबवण्यात येणार आहे.

‘टी-१’ म्हणजेच ‘अवनी’

पांढरकवड्म्यातील या वाघिणीला वनखात्याने ‘टी-१’ हे नाव दिले आहे. परंतु या परिसरातील ही वाघीण ‘अवनी’याच नावाने ओळखली जाते. त्यामुळे जगभरात या वाघिणीच्या संदर्भात राबवण्यात येणाऱ्या मोहिमेला देखील ‘लेट अवनी लिव्ह’ हेच नाव देण्यात आले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 14, 2018 1:08 am

Web Title: let avni live campaign
Next Stories
1 नागपुरातील पाणी दर्जेदार, ‘आरओ फिल्टर’ची गरजच नाही!
2 मेट्रोच्या मार्गात रेल्वे, एनएचआयचे अडथळे
3 Navratri 2018: नागपूरकरांचा नवरात्रीत ‘सालसा’वर ठेका
Just Now!
X