28 February 2021

News Flash

भैय्याजी जोशी यांची रा. स्व. संघाच्या सरचिटणीसपदी चौथ्यांदा निवड

संघाच्या कार्यकारिणीच्या बैठकीत झाली घोषणा

Bhaiyaji Joshi: दलित अत्याचारविरोधी कायद्याप्रकरणी सर्वोच्च न्यायालयाने दिलेल्या निर्णयाविरोधात दलित संघटनांनी सोमवारी पुकारलेल्या भारत बंद आंदोलनादरम्यान उसळलेल्या हिंसाचारावर राष्ट्रीय स्वयंसेवक संघाने दु:ख व्यक्त केले आहे.

भैय्याजी जोशी यांची राष्ट्रीय स्वयंसेवक संघाच्या सरचिटणीसपदी (सरकार्यवाहक) शनिवारी निवड करण्यात आली. पुढील तीन वर्षांसाठी ते या पदावर कार्यरत असणार आहेत. सलग चौथ्यांदा जोशी यांची या पदावर नियुक्ती करण्यात आली आहे. संघाच्या नागपूर येथील मुख्यालयात झालेल्या कार्यकारिणीच्या बैठकीत ही घोषणा करण्यात आली.


भय्याजी जोशी यांनी संघाच्या सरचिटणीसपदाचा कारभार पुन्हा स्विकारावा अशी संघाच्या अनेक नेत्यांची इच्छा होती. मात्र, जोशी यांचा स्वतःचा याला विरोध होता. त्यामुळे या निवडीपूर्वी या पदासाठी दत्तात्रय होसबाळे आणि कृष्ण गोपाळ यांच्या नावाची चर्चा होती. संघाच्या सरचिटणीस पदाची ही निवडणूक यासाठी महत्वाची मानली जात होती कारण पुढील वर्षी लोकसभेसहीत अनेक राज्यातील विधानसभा निवडणूका होणार आहेत.

नागपूरच्या हेडगेवार स्मारक समितीच्या सभागृहात संघाची ही तीन दिवसीय बैठक सुरु आहे. ९ ते ११ मार्च दरम्यान ही बैठक पार पडणार आहे. दरम्यान, आजच्या दुसऱ्या दिवशी सरसंघचालक मोहन भागवत यांच्या उपस्थितीत भय्याजी जोशी यांच्या निवडीची घोषणा करण्यात आली.

दरम्यान, संघाच्या या बैठकीत भारतीय बोली भाषांच्या संरक्षण आणि संवर्धनासाठीचा प्रस्ताव मंजूर करण्यात आला. भाषा ही कोणत्याही व्यक्ती किंवा समाजाची ओळख म्हणून महत्वपूर्ण काम करते. तसेच ती संस्कृतीचा अविभाज्य घटक असते, असे मत या बैठकीत मांडण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 10, 2018 9:12 pm

Web Title: suresh bhaiyyaji joshi re elected as general secretary of rss for a period of 3 years
Next Stories
1 अझलन शहा हॉकी २०१८ : भारताने आयर्लंडकडून झालेल्या पराभवाचा काढला वचपा
2 संयुक्त राष्ट्रात भारताच्या उत्तराने पाकिस्तानची बोलती बंद
3 भारत आणि फ्रान्समध्ये १४ महत्वाचे करार; संरक्षण, अवकाश आणि उच्च तंत्रज्ञान क्षेत्रात सहकार्य वाढवणार
Just Now!
X