News Flash

सोलापुरात करोनामुळे पोलीस कर्मचाऱ्याचा पहिला बळी

यापूर्वी, सोलापूर ग्रामीण पोलीस दलातील तीन पोलिसांना करोनाबाधा झाली आहे.

प्रतिकात्मक छायाचित्र

सोलापुरात बुधवारी करोनाची बाधा झालेले आठ नवे रूग्ण आढळून आले. यातील एका पोलीस हवालदाराचा मृत्यू झाला आहे. करोनाबाधा झालेल्यांपैकी तीन पोलिसांचा समावेश आहे. आतापर्यंत करोनाबाधित रूग्णांची संख्या १५३ तर मृतांची संख्या दहापर्यंत गेली आहे. आज बुधवारी आढळून आलेले सर्व रूग्ण पुरूष असून बहुसंख्य दाट लोकवस्त्यांसह झोपडपट्टी परिसरात राहणारे आहेत.

करोनाने बळी घेतलेल्या पोलीस हवालदाराचे वय ५७ वर्षांचे होते. येत्या काही महिन्यात ते सेवानिवृत्त होणार होते. शहरातील एमआयडीसी पोलीस ठाण्यात ते सध्या नेमणुकीस होते. त्याला काही दिवसांपूर्वी अस्वस्थ वाटू लागल्यामुळे त्यांना रूग्णालयात हलवण्यात आले होते. करोनाची लक्षणे दिसू लागल्यामुळे त्यांची वैद्यकीय चाचणी घेण्यात आली होती. मात्र, चाचणी अहवाल प्राप्त होण्यापूर्वीच काल रात्री त्यांचा मृत्यू झाला.

आज दुसऱ्या दिवशी अहवाल प्राप्त झाला असता त्यात मृत हवालदाराला करोनाची बाधा झाली होती, हे स्पष्ट झाले. यापूर्वी, सोलापूर ग्रामीण पोलीस दलातील तीन पोलिसांना करोनाबाधा झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 6, 2020 9:32 pm

Web Title: the first victim of police personnel due to corona in solapur aau 85
टॅग : Coronavirus
Next Stories
1 महाराष्ट्रातील परवानाधारक वाईन शॉप्समध्ये ४३ कोटी ७५ लाखाची मद्यविक्री
2 देशात दारूबंदी करण्याचा सल्ला डॉ. बंग यांनी पंतप्रधानांना द्यावा – वडेट्टीवार
3 चंद्रपूर जिल्ह्यात गारपीट, वादळी पाऊस; भिंत कोसळून एक ठार
Just Now!
X