12 August 2020

News Flash

चंद्रकांत पाटील यांच्या काळातील रस्ते प्रकल्पाची चौकशी करणार – हसन मुश्रीफ

चौदाव्या वित्त आयोगाच्या निधीवरून पाटील - मुश्रीफ यांच्यात आरोप-प्रत्यारोप सुरू

संग्रहीत छायाचित्र

भाजपाचे प्रदेशाध्यक्ष चंद्रकांतदादा पाटील यांनी चौदाव्या वित्त आयोगाच्या निधीवरून टीका केल्यानंतर, ग्रामविकास मंत्री हसन मुश्रीफ यांनी आता आक्रमक पवित्रा घेतल्याचे दिसत आहे.  चंद्रकांत पाटील यांनी पाच वर्षात सार्वजनिक बांधकाम मंत्री असताना केलेल्या रस्ते प्रकल्पांच्या कामाची चौकशी करणार असल्याचा इशारा मुश्रीफ यांनी आज दिला.

महाविकास आघाडी सरकारने एकाही अधिकाऱ्याची बदली केली नाही. उलट भाजपाने नियुक्त केलेल्या अधिकाऱ्यांना सोबत घेऊनच आम्ही काम करत आहे. याउलट भाजपच्या काळामध्ये बांधकाम, जलसंपदा व इतर विभागांमध्ये झालेल्या बदल्यांच्या दारावरून आजही अधिकारी खमंग चर्चा करीत आहेत, असा टोला त्यांनी लगावला.

चंद्रकांत पाटील यांनी कोल्हापूर जिल्ह्यात कोट्यावधीहून पैसे खर्च करून ‘हॅड्री ॲल्युमिनियमचे’ चार रस्ते प्रस्तावित केले. ते अजूनही पूर्ण झालेले नाहीत. या कंत्राटदारांच्या मी अनेकदा बैठका घेतल्या. उलट त्या प्रकल्पाचे कंत्राटदार मंत्रालयात आम्हाला प्रकल्प खर्चा पेक्षा अधिकचा खर्च करावा लागल्यामुळे कंबरडेच मोडले आहे, अश्या व्यथा सांगत आहेत, असा आरोप मुश्रीफ यांनी केला. त्यामुळे मी बांधकाम खात्याचे मंत्री अशोक चव्हाण यांना राज्यभरात अशा रस्ते कामांची चौकशी झाली पाहिजे,अशी मागणी करीत असल्याचेही ते म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 12, 2020 8:26 pm

Web Title: will investigate the road project of chandrakant patils time hasan mushrif msr 87
Next Stories
1 १४ व्या वित्त आयोगाच्या निधीवरून चंद्रकांत पाटील – हसन मुश्रीफ यांच्यात कलगीतुरा
2 करोना संदर्भातील चाचण्या, किटचा अभ्यास करण्यासाठी समिती गठित
3 राज्यातील करोनामुक्त रुग्णांची संख्या दीड लाखाच्या उंबरठ्यावर
Just Now!
X