महाराष्ट्रात करोनाचे ८० टक्के रुग्ण लक्षणं नसलेले-मुख्यसचिव - Marathi News | 80 Of Cases Are Asymptomatic In The Maharashtra Says Ajoy Mehta Chief Secretary Scj 81

करोना रुग्ण दुप्पट होण्याचं प्रमाण १४ दिवसांवर

महाराष्ट्रात करोनाचे ८० टक्के रुग्ण लक्षणं नसलेले आहेत अशी माहिती मुख्य सचिव अजॉय मेहता यांनी दिली आहे. तसंच सध्याच्या घडीला महाराष्ट्रात ३५ हजार १७८ अॅक्टिव्ह केसेस आहेत असंही त्यांनी म्हटलं आहे. तर महाराष्ट्रात करोना रुग्ण दुप्पट होण्याचं प्रमाण हे पाचवरुन १४ दिवसांवर आलं आहे असंही त्यांनी स्पष्ट केलं आहे. एएनआयने या संदर्भातले वृत्त दिले आहे.

As of now, there are 35,178 active cases in Maharashtra. 80% of cases are asymptomatic in the state. Doubling rate in Maharashtra is right now 14 days, earlier it was 5 days: Ajoy Mehta, Chief Secretary #COVID19 pic.twitter.com/bRUEpg7sAs
— ANI (@ANI) May 26, 2020

महाराष्ट्रातील करोना रुग्णांची संख्या ही ५२ हजारांच्याही पुढे गेली आहे. मात्र कालपर्यंतच्या आकडेवारीनुसार ५२ हजार ६६७ इतकी करोनाग्रस्तांची संख्या झाली आहे. कालपर्यंतच्या आकडेवारीनुसार महाराष्ट्रात १५ हजार ७८६ रुग्णांना डिस्चार्ज देण्यात आला आहे. महाराष्ट्रात सध्याच्या घडीला ३५ हजार १७८ अॅक्टिव्ह रुग्ण आहेत. ही माहिती काल आरोग्य विभाग आणि आरोग्यमंत्री राजेश टोपे यांनी दिली होती. दरम्यान महाराष्ट्रातला डबलिंग रेट हा १४ दिवसांवर गेला आहे असं आता अजॉय मेहतांनी सांगितलं आहे. तसंच महाराष्ट्रातल्या करोना रुग्णांपैकी ८० टक्के रुग्ण हे लक्षणं नसलेले आहेत असंही त्यांनी स्पष्ट केलं आहे.

First published on: 26-05-2020 at 18:11 IST

TOPICSकरोना विषाणू Coronavirus

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: 80 of cases are asymptomatic in the maharashtra says ajoy mehta chief secretary scj