धाराशिव मतदारसंघाचे महायुतीचे उमेदवार ओमराजे निंबाळकर यांनी आज शक्तीप्रदर्शन करत उमेदवारी अर्ज दाखल केला. यावेळी शिवसेना ठाकरे गटाचे नेते आदित्य ठाकरे, आमदार रोहित पवार उपस्थित होते. यावेळी आयोजित रॅलीला संबोधित करताना आदित्य ठाकरे यांनी भाजपा आणि शिवसेना शिंदे गटावर टीका केली. तसेच धाराशिवचे पालकमंत्री तथा आरोग्य मंत्री तानाजी सावंत यांच्यावर नाव न घेता त्यांनी निशाणा साधला. आदित्य ठाकरे म्हणाले, “खेकड्यांवरही बोलणार, सोडणार नाही. जो जो वाकडा जाईल, त्याच्यावरही बोलणार, खेकड्यांची नांगी आपल्यालापण ठेचता येते”, असे आदित्य ठाकरे म्हणाले.

आदित्य ठाकरे काय म्हणाले?

“शेतकरी म्हणून आज तुम्ही खुश आहात का? या दोन वर्षात तुमच्या शेतीमालाला भाव मिळाला का? जेव्हा अवकाळी पाऊस, गारपीट झाली तेव्हा नुकसान भरपाई मिळाली का? या सरकारकडून मदत मिळाली का? केंद्र सरकारकडून मदत मिळाली का? नाही मिळाली. मग जेव्हा महाविकास आघाडीचे सरकार होते, तेव्हा उद्धव ठाकरे मुख्यमंत्री असताना कर्जमाफी मिळाली होती. त्यामुळे महाविकास आघाडीच्या मागे उभे राहा”, असे आदित्य ठाकरे म्हणाले.

vaibhav naik raj thackeray news
“राज ठाकरे ज्या उमेदवाराच्या प्रचाराला जातात…”; प्रचारसभांवरून वैभव नाईकांची खोचक टीका!
Jitendra Awhad on Ajit pawar and Sharad pawar
‘मी शरद पवारांचा मुलगा असतो तर?’, जितेंद्र आव्हाडांचे अजित पवारांना प्रत्युत्तर; म्हणाले, “सरंजामशाही…”
AJit Pawar vs Supriya Sule
“मी त्यांचा मुलगा नसल्याने संधी मिळाली नाही”, अजित पवारांच्या वक्तव्यावर सुप्रिया सुळे म्हणाल्या, “माझी कारकीर्द…”
MLA Dattatray Bharne first reaction On Viral video
कार्यकर्त्याला शिवीगाळ केल्याच्या व्हिडीओवर दत्तात्रय भरणेंचं स्पष्टीकरण; म्हणाले, “तो कार्यकर्ता नव्हता तर…”
Rohit Pawar VS Ajit Pawar
रोहित पवारांचा अजित पवारांना टोला; म्हणाले, “निवडणुकीच्या दिवशी आई कुणाला आठवत असेल तर…”
What Ajit pawar Said?
अजित पवार यांनी शरद पवारांच्या आरोपांना दिलं उत्तर, “मी जर इतका भ्रष्टाचारी, नालायक आणि…”
sharad pawar on religion basis reservation
“धर्माच्या आधारावर आरक्षण आम्हाला मान्य नाही”; शरद पवारांनी स्पष्ट केली भूमिका; म्हणाले, “मोदींनी स्वत:..”
sharad pawar replied to narendra modi
नरेंद्र मोदींच्या ‘अतृप्त आत्मा’ टीकेवर शरद पवारांचे प्रत्युत्तर; म्हणाले, “त्यांचे म्हणणं खरं आहे, पण…”

quiziframe id=30 dheight=282px mheight=417px

हेही वाचा : उद्धव ठाकरेंनी व्यक्त केला विश्वास! “आम्ही महाराष्ट्रात ४८ जागा जिंकू भाजपाची ४५ + ची संख्या…”

ओमराजे जिगर का तुकडा

“आज अनेक उमेदवारांचे अर्ज भरायचे सुरु आहेत. पण ओमदादा जिगर का तुकडा आहेत. त्यामुळे मी या ठिकाणी आलो. आपल्याला पुन्हा एकदा हक्काचे सरकार आणायचे असेल केंद्र सरकारमध्ये पुन्हा आपल्या हक्काचा माणूस म्हणून ओमराजे निंबाळकर यांना दिल्लीला पाठवायचे आहे. गद्दार विरुद्ध निष्ठावंत अशी ही लढाई आहे”, असे म्हणत आदित्य ठाकरे यांनी विरोधकांवर घणाघात केला.

“शेतकऱ्यांना आपण अन्नदाता समजतो. मग केंद्र सरकारने दिल्लीत शेतकऱ्यांच्या रस्त्यावर खिळे ठोकून ठेवले. लाठी चार्ज केला, मग हे सरकार तुमचे आमचे असू शकते का? आज या देशात शेतकरी हैराण आहे. गॅसच्या किंमती वाढल्या आहेत”, अशा अनेक मुद्यांवरुन आदित्य ठाकरे यांनी भाजपा सरकारवर टीका केली.