अॅड. आस्‍वाद पाटील यांचा अखेर राजीनामा

नुकत्‍याच झालेल्‍या विधानसभा निवडणूकीत जयंत पाटील यांच्‍या सुनबाई चित्रलेखा पाटील या शेकापच्‍या उमेदवार असतानाही त्‍यांचे भाचे आस्‍वाद पाटील, बंधू माजी आमदार पंडित पाटील हे प्रचारापासून दूर राहिले. निवडणूकीपूर्वीच त्‍यांनी चित्रलेखा पाटील यांच्‍या उमेदवारीला विरोध केला होता. या निवडणूकीत चित्रलेखा पाटील यांना पराभवाचा सामना करावा लागला.

हेही वाचा…सोलापुरात काँग्रेस पक्ष नसून शिंदे काँग्रेस; धवलसिंह मोहिते यांचा आरोप करीत जिल्हाध्यक्षपदाचा राजीनामा

विधानसभा निवडणूकीची रणधुमाळी संपल्‍यानंतर आता शेकापमधील कुटुंब कलह समोर आला आहे. माजी मंत्री मीनाक्षी पाटील यांचे चिरंजीव अॅड. आस्‍वाद पाटील यांनी जिल्‍हा चिटणीस पदासह पक्ष सदस्‍यत्‍वाचा राजीनामा दिला आहे. आज हॉटेल रविकिरण येथे आस्‍वाद पाटील यांच्‍या समर्थकांची बैठक पार पडली. या बैठकीत आस्‍वाद पाटील यांनी पक्षाचा राजीनामा देत असल्‍याचे जाहीर केले. या बैठकीला पक्षातील प्रमुख पदाधिकारी, कार्यकर्ते उपसथित होते. आस्‍वाद पाटील यांनी पक्षाच्‍या जिल्‍हा चिटणीस पदासह रायगड जिल्‍हा परीषदेचे उपाध्‍यक्षपद भूषवले आहे. त्‍यांनी पक्षाला दिलेली सोडचिठठी हा शेकापला मोठा हादरा मानला जात आहे.

हेही वाचा…शिवसेनेत फिरती मंत्रीपदे; इच्छुक, नाराजांना थोपविण्यासाठी शिंदे यांचा तोडगा

लवकरच भाजप प्रवेश ?

कोकण पदवीधर मतदार संघाच्‍या निवडणूकीपासून आस्‍वाद पाटील हे भाजप नेत्‍यांच्‍या संपर्कात होते. विधानसभा निवडणूकीत ते अलिप्‍त राहिले. त्‍याचा मोठा फटका चित्रलेखा पाटील यांना बसला. आपण कुठल्‍या पक्षात जाणार यावर आस्‍वाद पाटील बोलायला तयार नाहीत. मात्र भाजप नेत्‍यांशी झालेल्‍या अंतिम बोलणीनुसार ते लवकरच भाजपमध्‍ये प्रवेश करणार असल्‍याचे त्‍यांच्‍या निकटवर्तीयांनी सांगितले.