अलिबाग: महिलेवर आळीपाळीने बलात्कार करणाऱ्या दोन आरोपींना अलिबाग सत्र न्यायालयाने जन्मठेपेची शिक्षा सुनावली. सुरेश लहानु नाईक, विशाल कृष्णा म्हात्रे अशी शिक्षा सुनावण्यात आलेल्या दोघा आरोपींची नावे आहेत. सदर घटना ही १९ डिसेंबर २०२० रोजी रात्री सव्वा दहाच्या सुमारास तळाशेत वडवली मार्गावरील एका टेकडीवर घडली होती. पिडीत महिला आपल्या मुलीकडे जात होती. एकटी जात असल्याचे पाहून दोन्ही आरोपींनी तिला पाठीमागून पकडून बळजबरीने बाजूला असलेल्या झाडी झुडपात नेले. त्यानंतर तिला जबरदस्ती मद्य प्राशन करण्यास भाग पाडले. नंतर दोघांनी तिच्यावर आळीपाळीने बलात्कार केला. महिलेचा शोध घेत आलेल्या तिच्या नातेवाईकांनी ही घटना पाहीली, त्यांनी दोघांना हटकण्याचा प्रयत्न केला असता आरोपींकडून दगडफेक करण्यात आली. हेही वाचा : ‘आम्हाला शरद पवारांचा पराभव हवा’; चंद्रकांत पाटील यांचं विधान चुकीचं, अजित पवार म्हणाले, “मी त्यांना..” याबाबत पोयनाड पोलीस ठाण्यात दोघांवर भादवी, कलम ३७६(ड), ३३६, ३२८, ३६ सह अनुसुचित जाती जमाती अत्याचार प्रतिबंधक कायदा कलम ३ (१)(डब्ल्यू) (आय) या कलमांतर्गत गुन्हा दाखल करण्यात आला होता. अलिबागच्या तत्कालीन पोलीस उप अधिक्षक अधिकारी सोनाली कदम यांनी या प्रकरणाच्या तपास करून आरोपींविरोधात अलिबाग येथील जिल्हा व सत्र न्यायालयात दोषारोपपत्र दाखल करण्यात आले होते. या खटल्याची सुनावणी प्रमुख जिल्हा व सत्र न्यायाधीश ए. एस राजंदेकर यांच्या न्यायालयासमोर झाली. यावेळी विशेष शासकीय अभियोक्ता म्हणून अॅड. स्मिता राजाराम धुमाळ-पाटील यांनी काम पाहिले. सुनावणी दरम्यान एकूण १५ जणांच्या साक्षी नोंदविण्यात आल्या. यात पिडीत महिला, फिर्यादी, वैद्यकीय अधिकारी, तपासिक अंमलदार, रासायनिक विश्लेषक आणि पोलीस उप अधीक्षक सोनाली कदम यांच्या साक्षी महत्वाच्या ठरल्या. हेही वाचा : राज्याच्या अर्थव्यवस्थेत एक टक्क्यांचे योगदान दोन्ही बाजूचे युक्तीवाद ऐकल्यानंतर न्यायालयाने, विशेष शासकीय अभियोक्ता स्मिता धुमाळ यांचा युक्तीवाद ग्राह्य धरला आणि दोन्ही आरोपींना दोषी ठरविले. दोघांना दहा वर्ष जन्मठेपेची शिक्षा सुनावली, आणि दहा हजार रुपयांचा दंडही ठोठावला.
