राज्याचा पुढचा मुख्यमंत्री काँग्रेसचा असेल असं विधान माजी राज्यमंत्री डॉ. विश्‍वजीत कदम यांनी सांगलीत झालेल्या एका कार्यक्रमात बोलताना केले होते. त्यांच्या विधानानंतर आता विविध राजकीय प्रतिक्रिया उमटू लागल्या आहेत. दरम्यान, या विधानावर आता ठाकरे गटाचे नेते तथा विधान परिषदेतील विरोधी पक्षनेते अंबादास दानवे यांनीही प्रतिक्रिया दिली आहे.

अंबादास दानवे यांनी आज टीव्ही ९ वृत्तावाहिनीशी संवाद साधला. यावेळी बोलताना त्यांनी विविध विषयांवर त्यांची भूमिका स्पष्ट केली. यादरम्यान, त्यांना विश्वजीत कदम यांच्या विधानाबाबतही विचारण्यात आलं, यासंदर्भात बोलताना, आधी किमान जागावाटप तरी होऊ द्या, येणाऱ्या काळात काहीही होऊ शकतं, अशी प्रतिक्रिया त्यांनी दिली.

Dr Ramesh Tarakh face blackened by Maratha protesters
छत्रपती संभाजीनगरमध्ये मराठा आंदोलक आक्रमक; मनोज जरांगेंच्या आंदोलनाला विरोध केल्याने डॉक्टरच्या तोंडाला काळं फासलं
Ajit pawar and chandrakant patil
महायुतीत महाबिघाड? पुण्यातील ‘चिंताजनक घटने’वर अजित पवार गटाची थेट चंद्रकांत पाटलांवर टीका!
Devendra Fadnavis On Uddhav Thackeray Anil Parab
“उद्धव ठाकरेंच्या शिवसेनेचे सेनापती…”, फडणवीसांकडून ठाकरे गटाच्या आमदाराचं तोंडभरुन कौतुक
NCP MLA Rohit Pawar
“दोन दिवस थांबा, राज्याला हादरवून सोडणारा खुलासा…”, रोहित पवार यांचं मोठं विधान
Manoj Jarange Patil
“मराठा आंदोलन भरकटलंय”, वरिष्ठ भाजपा नेत्याचं वक्तव्य; मनोज जरांगे संतापून म्हणाले, “तुमच्यासारख्यांमुळे…”
narendra modi takes oath 1
VIDEO : पंतप्रधान मोदी खासदारकीची शपथ घेताना राहुल गांधींनी का दाखवलं संविधान? अधिवेशनाच्या पहिल्याच दिवशी राडा?
mns chief raj thackeray marathi news
“लावा म्हणावं…”, राज ठाकरेंची बांबू शब्दावरून संजय राऊतांनी केलेल्या विधानावर मिश्किल टिप्पणी!
pankaja munde manoj jarange
पंकजा मुंडेंच्या विधान परिषदेच्या उमेदवारीला मनोज जरांगेंचा विरोध? सूचक वक्तव्य करत म्हणाले…

हेही वाचा – “देवेंद्र फडणवीसांनी मराठा समाजाला त्रास दिला अन् त्यांची…”; विशाल पाटील नेमकं काय म्हणाले?

नेमकं काय म्हणाले अंबादास दानवे?

“अद्याप निवडणूक जाहीर झालेली नाही. तसेच जागावाटपदेखील झालेलं नाही. खरं तर मुख्यमंत्री कोण होईल, हा निवडणुकीनंतरचा विषय आहे. मागच्या वेळी उद्धव ठाकरे मुख्यमंत्री होईल, असं कुणालाही वाटलं नव्हतं, पण ते मुख्यमंत्री झाले. त्यामुळे येणाऱ्या काळात काहीही होऊ शकतं”, असं अंबादास दानवे म्हणाले.

पुढे बोलताना त्यांनी काँग्रेस-राष्ट्रवादीकडून ( शरद पवार गट) जागावाटपाबाबत होत असलेल्या दाव्यांबाबतही प्रतिक्रिया दिली. “गेल्या निवडणुकीत राज्यात काँग्रेसची फक्त एक जागा आली होती. तो देखील शिवसेनेचा माजी आमदार होता. मुळात काँग्रेसचं केंद्रीय नेतृत्व परिपक्व आहे. नाना पटोले किंवा विश्वजीत कदम काय बोलतात, त्याला काँग्रेसमध्ये महत्त्व आहे, असं वाटत नाही. केंद्रीय नेतृत्वाला या सगळ्या परिस्थितीची जाणीव आहे, असे ते म्हणाले. तसेच येणाऱ्या काळात गद्दारांचं सरकार बदलणं जास्त महत्त्वाचे आहे”, अशी प्रतिक्रियाही त्यांनी दिली.

हेही वाचा – “राज्यात पुन्हा काँग्रेसचं सरकार आणायचं असून पुढचा मुख्यमंत्री आपल्याला…”; अपक्ष खासदार विशाल पाटील यांचं विधान!

विश्वजीत कदम नेमकं काय म्हणाले होते?

सांगलीतील कार्यक्रमात बोलताना विश्वजीत कदम यांनी राज्याचा पुढचा मुख्यमंत्री काँग्रेस असेल असं विधान केलं होतं. “लोकसभा निवडणुकीत विशाल पाटील यांना सर्वाधिक मत्ताधिक्य मिरजेने दिले, ही निवडणुक सोपी नव्हती. ज्या पक्षात आम्ही काम करत होते त्याचे पक्षाचे तिकिट मिळत नव्हते, त्यामुळे अन्याय होत असल्याचे पाहून जनतेनेच या निवडणुकीत साथ दिली. जनतेने काँग्रेस पक्षाला आणि पक्षाच्या विचाराला साथ दिली. काँग्रेसचे विचार वाचविण्यासाठी जनतेने ही निवडणुक हातात घेतली होती”, असे ते म्हणाले. तसेच “आगामी विधानसभा निवडणुकीत जिल्ह्यात पाच आमदार काँग्रेसचे असतील आणि राज्याचा मुख्यमंत्री काँग्रेसचा असेल”, असे मत त्यांनी व्यक्त केलं होतं.