scorecardresearch

Premium

“रोहित पवार बालमित्र संघटनेचे अध्यक्ष, त्यांना…”, अमोल मिटकरींची टीका, ‘संघर्ष यात्रे’लाही केलं लक्ष्य

“…नाही तर संघर्ष यात्रेत राष्ट्रवादीचे झेंडे दिसले असते”, असा टोलाही अमोल मिटकरींनी लगावला आहे.

rohit pawar amol mitkari
अमोल मिटकरांनी रोहित पवार आणि संघर्ष यात्रेवर टीका केली आहे. ( लोकसत्ता ग्राफिक्स टीम )

नवाब मलिक यांच्यावर कारवाई करण्यात येते. पण, प्रफुल्ल पटेल यांच्यावर कुठलीही कारवाई होत नाही. पटेलांवर देखील गंभीर आरोप आहेत. मात्र, पटेलांनी अजित पवारांना भाजपाबरोबर एकत्रित आणण्यासाठी प्रयत्न केल्यानं त्यांच्यावर कारवाई होत नाही का? असा सवाल रोहित पवारांनी उपस्थित केला होता. याला आमदार अमोल मिटकर यांनी प्रत्युत्तर दिलं आहे. ते नागपूर विधिमंडळाबाहेर प्रसारमाध्यमांशी संवाद साधत होते.

“रोहित पवार बालमित्र संघटनेचे अध्यक्ष आहेत. त्यांना गांभीर्यानं घेण्याची गरज नाही. तसेच, त्यांना कामधंदा उरलेला नाही. एकीकडे अजित पवार भाजपाबरोबर जाणं रोहित पवारांना चालत नाही. पण, अजित पवारांनी दिलेला निधी रोहित पवारांना चालतो. कर्जत-जामखेडला ५४ कोटींचा निधी मिळाल्याबद्दल रोहित पवारांनी अजित पवारांचे आभार मानल्याचं पत्र मी ट्वीट केलं होतं,” असं अमोल मिटकरांनी म्हटलं आहे.

“रोहित पवारांच्या यात्रेला राष्ट्रवादी काँग्रेसचं समर्थन नाही”

रोहित पवारांच्या ‘संघर्ष यात्रे’चाही अमोल मिटकरींनी समाचार घेतला आहे. अमोल मिटकरी म्हणाले, “रोहित पवारांनी कुठला संघर्ष केला आहे? कशासाठी यात्रा काढत आहेत? रोहित पवारांच्या यात्रेला राष्ट्रवादी काँग्रेसचं समर्थन नाही. अन्यथा यात्रेत राष्ट्रवादीचे झेंडे दिसले असते.”

“संघर्ष यात्रेला कवडीची किंमत नाही”

“प्रसिद्धीपलीकडे यात्रेत काही असेल, असं मला वाटत नाही. रोहित पवारांना आयुष्यात कधीही संघर्ष करण्याची वेळ आल्याचं वाटत नाही. बालमित्र घेऊन यात्रा निघाली नाही. त्यामुळे यात्रेला कवडीचीही किंमत नाही,” अशी टीका अमोल मिटकरांनी ‘संघर्ष यात्रे’वर केली आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Amol mitkari attacks rohit pawar and sangharsh yatra over ajit pawar comment ssa

First published on: 11-12-2023 at 13:27 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×