“ठाण्यातून विधानसभा निवडणूक लढणार”, म्हणणाऱ्या आदित्य ठाकरेंना शिंदे गटाचं प्रत्युत्तर; म्हणाले, “आपली…”

आदित्य ठाकरे काय म्हणाले?

“मुख्यमंत्री घाबरले आहेत. त्यांना वरळीतून लढायचं नसेल, तर आमदारकी आणि मुख्यमंत्रीपदाचा राजीनामा द्यावा. मी ठाण्यातून लढतो. सध्या महाराष्ट्रातील वातावरण इतकं पेटलं आहे की, निवडणूक झाली तर एकच रंग दिसेल; तो फक्त भगवा, भगवा आणि भगवा. आता लोक विचारतील, भगवा रंग कोणाचा? कोणत्या गटाचा? त्यांना सांगू इच्छितो की भगवा रंग शिवसेनेचा,” असं आदित्य ठाकरेंनी सांगितलं.

हेही वाचा : बाळासाहेब थोरातांनी राजीनामा दिल्याची चर्चा, काँग्रेस प्रदेशाध्यक्ष नाना पटोले म्हणाले, “त्यांचा आणखी राजकीय…”

“आम्ही कोणाला खिजवत नाही, पण…”

आदित्य ठाकरेंनी मुख्यमंत्री शिंदेंना दिलेल्या आव्हानंतर दीपक केसकरांनी ‘डिपॉजिट’ वाचवण्याचा सल्ला दिला आहे. “आदित्य ठाकरेंनी आवश्य ठाण्यात यावं, आम्ही कोणाला खिजवत नाही. पण, आदित्य ठाकरेंनी आपली अनामत रक्कम ( डिपॉजिट ) वाचवून दाखवावं. एक ते दीड वर्षात विधानसभेच्या निवडणूका पार पडणार आहेत,” असं दीपक केसरकरांनी म्हटलं.

हेही वाचा : “मी असलं घाणेरडं राजकारण कधीही…”, बाळासाहेब थोरात प्रकरणावर नाना पटोलेंची सूचक प्रतिक्रिया!

“राजकीय दृष्ट्या ही निवडणूक ती निवडणूक लढवेल, असं…”

“आदित्य ठाकरेंनी मंत्री असताना स्वत:चं कर्तव्य पाडलं नाही. मग, राजकीय दृष्ट्या ही निवडणूक ती निवडणूक लढवेल, असं म्हणण्याचा नैतिक अधिकार त्यांना आहे का? ज्यांना निवडून येण्यासाठी दोघांना विधानपरिषदेवर घेण्यात आलं. हे केल्यानंतर ते आमदार झाले,” असा टोला दीपक केसरकरांनी आदित्य ठाकरेंना लगावला.