Eknath Shinde : “बोटीने प्रवास करून भेटायला आलो, पण…”, प्रकृती बिघडल्याने एकनाथ शिंदेंनी कार्यकर्त्यांची भेट नाकारली!

काळजीवाहू मुख्यमंत्री एकनाथ शिंदे यांच्या निवासस्थानाबाहेर कडेकोट पोलीस बंदोबस्त करण्यात आला आहे. तसंच, त्यांच्या उपचारांकरता वैद्यकीय पथकही दाखल झालं आहे. दरम्यान, त्यांची भेट घेण्याकरता जवळपासच्या भोर, कराड, सातारा येथून कार्यकर्ते येत असून त्यांची सदिच्छा भेट घेण्याच्या प्रतिक्षेत आहेत. काही कार्यकर्त्यांना ते आज भेटणार होते. भेटण्यासाठी प्रतीक्षाही करायला सांगितली. मात्र, ऐन वेळी त्यांनी भेट नाकारली आहे.

हेही वाचा >> Maharashtra Government Formation : मोठी बातमी! राज्यात सत्तास्थापनेचा मार्ग मोकळा, ‘या’ दिवशी शपथविधी; वेळ आणि ठिकाणही घोषित!

पण निरोप आला की…

कराडहून काही महिला कार्यकर्ता आणि पदाधिकारी आज दरे येथे आल्या होत्या. महिला कार्यकर्त्या म्हणाल्या, “आम्ही कळवलं होतं की आम्ही लाडक्या बहिणी म्हणून येथे येत आहोत. आम्हाला भेटण्यासाठी थांबण्यासही सांगितलं होतं. पण आता निरोप आला की आजारी असल्याने भेटू शकत नाहीत.”

Satara, Maharashtra: Caretaker Chief Minister Eknath Shinde is unwell with a fever and is undergoing treatment at his residence in his ancestral village in Satara. A team of doctors has arrived at his residence to provide medical care pic.twitter.com/w77xW9cCEM

This quiz is AI-generated and for edutainment purposes only.

— IANS (@ians_india) November 30, 2024

दुसऱ्या महिला कार्यकर्त्या म्हणाल्या, “एकनाथ शिंदे दरे गावात आलेत हे कळल्याबरोबर आम्ही कराडमधून बोटीने प्रवास करून त्यांना भेटायला आलो. पण डॉक्टरांची टीम आत गेल्याने काही बोलता येत नाही.”