सांगली: बिबट्याला वाचविण्यात वन विभागाला यश

बिबट्या विहीरीत पडल्याची माहिती मिळताच वन विभागाचे प्रभारी वनक्षेत्रपाल महंतेश बगले यांच्यासह भगवान गायकवाड, अनिल पाटील, भिवा कोळेकर, आश्‍विनी वाघमारे, निवास उगळे आदी वन कर्मचारी बचाव साहित्यासह घटनास्थळी दाखल झाले आहेत. पिंजरा विहीरीत सोडून बिबट्याला सुरक्षित वर काढण्यासाठी क्रेनही मागविण्यात आली. क्रेनच्या मदतीने पिंजरा विहिरीत सोडून बिबट्याला बाहेर काढण्यात आले.यानंतर शिराळा येथील पशू वैद्यक तज्ञांकडून त्याची तपासणी करण्यात आली. कोणतीही दुखापत नसल्याने सायंकाळी त्याला नैसर्गिक अधिवासात सोडण्यात आले.