सांगली: पूर्ववैमनस्यातून तरुणाचा खून

रात्री प्रतिक हा आपल्या घरी जेवण करून बोलत बसला असताना संशयिताने त्याला जरा काम आहे असे सांगून घराबाहेर बोलावून नेले. प्रतिक घरातून बाहेर आल्यानंतर किशोरने त्याच्याशी जुन्या कारणावरून वाद घातला. त्यानंतर त्याच्या डोक्यात लोखंडी पाईपने जबर मारहाण केली. यामध्ये जखमी झालेल्या प्रतिकने आरडाओरडा केल्यानंतर त्याच्या घरातील तसेच शेजारचे लोक धावत तेथे आले. त्यावेळी किशोर तेथून पळून गेला. गंभीर जखमी अवस्थेत प्रतिकला सांगलीच्या सिव्हिल हॉस्पिटलमध्ये दाखल करण्यात आले. रूग्णालयात उपचार सुरू असताना त्याचा बुधवारी पहाटे त्याचा मृत्यू झाला.

हेही वाचा : केंद्रीय विद्यालयांतील प्रवेश प्रक्रिया सुरू, कधीपर्यंत भरता येणार अर्ज?

याप्रकरणी मृत प्रतिकची आई प्रमिला यांनी शहर पोलिस ठाण्यात फिर्याद दिली आहे. त्यानुसार संशयित किशोर कदम याच्याविरोधात खुनाचा गुन्हा दाखल करण्यात आला आहे. पोलिस त्याचा शोध घेत असून लवकरच त्याला अटक करू असे पोलिस निरीक्षक संजय मोरे यांनी सांगितले.