Maharashtra Breaking News : “माणिकराव कोकाटे दिलखुलास माणूस, त्यांच्या मनात काही नसतं”, राधाकृष्ण विखे पाटलांकडून सहकारी मंत्र्यांची पाठराखण!

रोहित पवारांनी इतरांना सल्ले देण्यापेक्षा त्यांचा पक्ष सांभाळावा. माणिकराव कोकाटेंच्या बाबतीत त्यांनी स्वत: स्पष्टीकरण दिलं आहे. त्यांच्या पक्षाचे नेते त्यासंदर्भात निर्णय करतील. माणिकराव कोकाटे हा दिलखुलास माणूस आहे. त्यांच्या मनात काही नसतं. मोकळेपणाने बोलतात. मी त्यांना अनेकदा सल्ला दिलाय. सार्वजनिक जीवनात तुमचं मन जरी साफ असलं, तरी माध्यमांच्या युगात आपण मर्यादेत बोललं पाहिजे. ते सल्ला ऐकतात, पण कधीकधी त्यांचा उत्साह अनावर होतो - राधाकृष्ण विखे पाटील, जलसंपदा मंत्री

कृषीमंत्र्यांचा व्हिडीओ सभागृहाच्या आतला आहे. अध्यक्षांनी चौकशी सुरू केली आहे. मला माणिकराव कोकाटे अजून प्रत्यक्ष भेटलेले नाहीत. त्यांनी पत्रकार परिषद घेऊन काही मुद्दे मांडले आहेत. बहुतेक आमची सोमवारी भेट होईल. नवीन सरकार आल्यानंतर आम्ही सगळ्याच मंत्र्यांना सूचना दिल्या होत्या. आपण राज्यात भान ठेवून बोललं पाहिजे असं सांगितलं होतं. याआधीही कोकाटेंकडून अशी गोष्ट घडली तेव्हाही मी याची दखल घेतली होती. पुन्हा दुसऱ्यांदा घडलं तेव्हाही मी जाणीव करून दिली की इजा झालं, बिजा झालं, आता तिजाची वेळ आणू नका. आता यावेळी ते म्हणतात की मी खेळतच नव्हतो. मी सोमवार किंवा मंगळवारी त्यांच्याशी समोरासमोर बोलेन. त्यानंतर मी निर्णय घेईन - अजित पवार, राष्ट्रवादी काँग्रेसचे अध्यक्ष

या विभागातल्या जवळपास ८९ हजार कोटींची देयके शासनाकडे प्रलंबित आहेत. गेल्या वर्षभरापासून ही देयके प्रलंबित आहेत. पण शासन याकडे लक्ष देत नाहीये. आम्ही पाठपुरावा केला, पण वर्षभरात फक्त ३ टक्के रक्कम दिली आहे. आम्ही मुख्यमंत्री, दोन्ही उपमुख्यमंत्र्यांकडे बैठकीसाठीही ४ ते ५ वेळा वेळ मागितली होती. पण ती वेळही दिली जात नाहीये.

मिलिंद भोसले, अध्यक्ष, कंत्राटदार महासंघ

कोकाटेंसारख्या मंत्र्यांना आणि हनीट्रॅपमध्ये अडकलेल्या मंत्र्यांना काढण्याची हिंमत तुमच्यात नाहीये. तुम्ही रोज धमक्या कुणाला देताय? हे प्रकार मुख्यमंत्र्यांनी थांबवायला हवेत इतकंच मी त्यांना सांगेन.देवेंद्र फडणवीसांचं गृहखातं सरकारविरोधात बोलणाऱ्यांना अडकवण्यासाठीच आहे. त्या नर्तिकेवर गोळीबार केलेला आमदाराचा भाऊ अद्याप सापडलेला नाहीये. गुन्हे दाखल करून सोडून दिलं आहे - संजय राऊत</p>

जलजीवन मिशनमध्ये केलेल्या कामाचे पैसे त्याला वेळेत का मिळू शकले नाहीत? त्याला जे अधिकारी, मंत्री जबाबदार आहेत, त्यांच्यावर हे सदोष मनुष्यवधाचा गुन्हा दाखल करणार आहेत का? सरकारच्या खात्यात १ कोटी ४० लाख सरकारकडे नाहीत का? ठेकेदारांची ८० हजार कोटींची बिलं थकली आहेत. काल तरुण हर्षल पाटीलनं आत्महत्या केली. तरीही सरकारमधले हे दोन-तीन लोक मौजमजा करत फिरतायत. हर्षल पाटीलची आत्महत्या नसून सरकारने केलेला खून आहे - संजय राऊत</p>