scorecardresearch

Premium

भाजपा आमदाराचा उल्लेख करत जरांगे-पाटलांचा धनंजय मुंडेंना सूचक इशारा; म्हणाले, “परळीत…”

“हिशोब होणारच… फक्त मुख्यमंत्री आणि गृहमंत्र्यांनी आम्हाला शांत राहून द्यावं”

dhananjay munde manoj jarange patil
मनोज जरांगे-पाटलांना धनंजय मुंडेंना इशारा दिला आहे. ( लोकसत्ता ग्राफिक्स टीम )

जालन्यातील सभेत मराठा आंदोलक मनोज जरांगे-पाटील यांनी मंत्री धनंजय मुंडे आमि भाजपा आमदार नारायण कुचे यांना लक्ष्य केलं. नारायण कुचे ओबीसी नेत्यांना काड्या लावायचं काम करतात. तर, धनंजय मुंडे बीडमधील लोकांना गुन्ह्यांमध्ये गुंतवणार असल्याचंही नारायण कुचेंनी सांगितल्याचा दावा जरांगे-पाटलांनी केला आहे.

मनोज जरांगे-पाटील म्हणाले, “आमदार नारायण कुचेंना चांगलं मानत होतो. पण, तिकडे ओबीसी नेत्यांना काड्या लावायचं काम ते करतात.”

kolhapur, shivsena leader arjun khotkar, arjun khotkar latest news in marathi, arjun khotkar marathi news
एकनाथ शिंदे यांना पुन्हा मुख्यमंत्र्यांच्या रूपात पाहायचे आहे – अर्जुन खोतकर
sugarcane bill amount
ऊस बिलाच्या रकमेसाठी मुख्यमंत्र्यांना कोल्हापुरात काळे झेंडे दाखवणार, राजू शेट्टी यांचा इशारा
MP Rajan vichare
माझ्या जीवाचे काही झाल्यास मुख्यमंत्री आणि गृहमंत्री जबाबदार – खासदार राजन विचारे
Uday Samant about Eknath Shinde
मुख्यमंत्री एकनाथ शिंदे यांच्याबरोबर गुन्हेगारांच्या छायाचित्रांबाबत उदय सामंत म्हणाले, “मुख्यमंत्र्यांसोबत कोणी छायाचित्र काढल्यास…”

“आता मुंडे कुठे जाणार”

“बीडमध्ये तरूणांना त्रास होत असून मध्यस्थी करण्यासाठी कुचेंना सांगितलं. मग, कुचेंनी पालकमंत्री धनंजय मुंडेंसी संपर्क साधला. तेव्हा धनंजय मुंडेंनी कुचेंना म्हटलं की, ‘तुम्ही तुमचं बघा, मला जे करायचे, ते मी करतो. मी लोकांना गुंतवणार.’ धनंजय मुंडे बीडच्या लोकांना गुंतवणार असल्याचं बोलत आहेत. परळीत एक लाख चार हजार मराठे आहेत. त्यांचं मतदान धनंजय मुंडेंना होते. आता मुंडे कुठे जाणार,” असा सूचक इशाराही जरांगे-पाटलांनी दिला आहे.

हेही वाचा : “२४ डिसेंबरपर्यंत मराठा समाजाला आरक्षण द्यावं, अन्यथा…”, जरांगे-पाटलांनी सरकारला दिला थेट इशारा

“…अन्यथा कायम ऊसतोड करायला जावं लागेल”

“बीड आणि अंतरवालीतील मराठा कार्यकर्ते कुचेंनीच गुंतवले आहेत. नारायण कुंचेंनी आमचा गेम करायचा नाही. अन्यथा कायम ऊसतोड करायला जावं लागेल. आमच्या कार्यकर्त्यांना अटक करण्याचे आदेश कुणी दिले, ही कुचेंनी सांगावं. गृहमंत्र्यांनी दिले की, तुम्ही शाळा केली आहे,” असा सवालही जरांगे-पाटलांनी कुचेंना विचारला आहे.

“मुख्यमंत्री आणि गृहमंत्र्यांनी आम्हाला शांत राहून द्यावं”

“आम्हाला गुन्ह्यांनी काही होत नाही. पोलिसांना पाहिल्यावर आम्हाला काहीच वाटत नाही. कारण, पोलिसांनी आम्हाला खूप मारलं आहे. आम्ही हे विसरलो नाही. कारण, माझ्या मात-माऊलींना मार लागला आहे. हिशोब होणारच… फक्त मुख्यमंत्री आणि गृहमंत्र्यांनी आम्हाला शांत राहून द्यावं. प्रत्येकवेळी मराठ्यांनी तुमच्या शब्दाचा सन्मान केला आहे,” असंही जरांगे-पाटलांनी सांगितलं.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Manoj jarange patil warning dhanajay munde over beed cases maratha reservation narayan kuche ssa

First published on: 01-12-2023 at 21:47 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×