विधान परिषद सदस्यत्वासाठी सुचविलेल्या नावांमध्ये बदल नाही

ईडी या देशात विरोधी पक्षावर  सतत दबाव आणण्याचा प्रयत्न करत असते

जयंत पाटील यांचा निर्वाळा

जळगाव : विधान परिषद सदस्यत्वासाठी राज्यपालांकडे महाविकास आघाडीने राज्यपालांकडे दिलेल्या १२ नावांमध्ये कोणाचेही नाव वगळण्यात आलेले नसल्याचा निर्वाळा राज्याचे जलसंपदामंत्री तथा राष्ट्रवादीचे प्रदेशाध्यक्ष जयंत पाटील यांनी दिला.

शनिवारी चाळीसगाव तालुक्यातील पूरग्रस्त भागाची पाहणी के ल्यानंतर पाटील यांनी पत्रकारांशी संवाद साधला. सत्ताधाऱ्यांनी सुचविलेल्या १२ जणांच्या यादीला अनेक दिवसांनंतरही मंजुरी दिली जात नसल्याने लोकशाहीचे संकेत पायदळी तुडविले जात असल्याचे आता जनतेला वाटू लागले आहे. या यादीतून कोणाचेही नाव वगळण्यात आलेले नाही. सत्ताधारी तीनही पक्षांच्या सहमतीने राज्यपालांना नावे पाठविण्यात आलेली असून राज्यपालांनी लवकर निर्णय घ्यावा, असेही पाटील यांनी सांगितले.

ईडी या देशात विरोधी पक्षावर  सतत दबाव आणण्याचा प्रयत्न करत असते. कुणाची कोणतीही चूक नसताना ईडी, सीबीआय या केंद्रीय यंत्रणांचा वापर विरोधी पक्षांना नामोहरण करण्यासाठी केला जात आहे. कोणतीही चूक नसताना कारवाई करणे, बदनामी करणे किंवा प्रभावित करणे असे उद्योग सुरू आहेत. एकनाथ खडसे यांच्या पाठीशी पक्ष  खंबीरपणे उभा राहील, असा पुनरुच्चारही त्यांनी केला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: No change in the names suggested for legislative council membership akp