पिंपरी चिंचवडमध्ये ग्रामपंयात सदस्याकडून पोलीस कर्मचाऱ्याला गोळ्या घालण्याची धमकी

पोलिसांनी दिलेल्या माहितीनुसार, १७ एप्रिल रोजी रात्री १२ वाजून ४० मिनिटांनी हिंजवडी मधील हॉटेल सनराईज येथे भांडण सुरू असल्याचा कॉल पोलीस नियंत्रण कक्षाला आला होता. त्यानुसार पोलीस शिपाई मोहन दळवी आपल्या सहका-यांसोबत तिथे पोहोचले. यावेळी उमेश साखरे याने ‘तू इथे कशाला आला आहेस तुम्हाला गोळ्या घालीन’ अशी धमकी देत धक्का दिला. सरकारी कामात अडथळा आणल्या प्रकरणी हिंजवडी पोलिसात गुन्हा दाखल करण्यात आला आहे. तर साथीदार शरद तुकाराम हुलावळे याच्यावर देखील गुन्हा दाखल करण्यात आला आहे. दोघांना न्यायालयात हजर केलं असता एका दिवसाची पोलीस कोठडी सुनावण्यात आली.