राहुल गांधी यांचा आत्महत्याग्रस्त महिला डॉक्टरांच्या कुटुंबाला फोन ; काँग्रेस प्रदेशाध्यक्ष हर्षवर्धन सपकाळ यांनी घेतली कुटुंबाची भेट

सध्या राज्यभरात गाजत असलेल्या फलटण येथील महिला डॉक्टर आत्महत्या प्रकरणी आज काँग्रेसचे राष्ट्रीय अध्यक्ष राहुल गांधी यांनी आत्महत्या केलेल्या महिला डॉक्टर च्या कुटुंबीयांशी फोनवरून संवाद साधला.राहुल गांधी यांनी या प्रकरणाची माहिती कुटुंबांकडून जाणून घेतली.यावेळेस महिला डॉक्टरच्या आईने माझ्या लेकीला न्याय मिळाला पाहिजे अशी मागणी केली.यावर राहुल गांधी यांनी मी या प्रकरणात एसआयटी स्थापन करण्यासाठी प्रयत्न करणार असल्याचे कुटुंबीयांना सांगितले.

यासाठी सरकारवर मी दबाव आणण्याचा प्रयत्न करेल असेही गांधी म्हणाले.दरम्यान काँग्रेसचे प्रदेशाध्यक्ष हर्षवर्धन सपकाळ यांनी माध्यमांशी संवाद साधला या प्रकरणात मुख्यमंत्र्यांचा थेट पोलीस प्रशासनावर दबाव असल्याचा आरोप त्यांनी केला. त्यामुळे पोलीस चौकशी करत नाहीत. महाराष्ट्राला पूर्णवेळ गृहमंत्री मिळाला पाहिजे.

सत्ताधारी आमदार या प्रकरणात बोलत नाहीत त्यांच्यावर देखील फडणवीस यांचा दबाव असल्याचेही सपकाळ यावेळी म्हणाले आहेत.या प्रकरणात नारायण गड आणि भगवान गडाने न्याय देण्यासाठी भूमिका घ्यावी.पुढच्या काळात कुटुंबाच्या मागण्या सरकारपर्यंत पोहोचवण्याची आश्वासनही त्यांनी यावेळी दिले.

जोपर्यंत महिला डॉक्टर आत्महत्या प्रकरणी न्याय मिळत नाही तोपर्यंत मंत्री पंकजा मुंडे आक्रमक भूमिका घ्यावी आणि मंत्रिमंडळात राहायचं की नाही हा निर्णय घ्यावा असे विधान काँग्रेसचे प्रदेशाध्यक्ष हर्षवर्धन सपकाळ यांनी केले आहे.