‘कारण कोकणी माणसाला राग येत नाही..’; मुंबई-गोवा महामार्गाच्या दुरवस्थेची राज ठाकरेंकडून कारणमीमांसा

मनसे युवा सेनेचे नेते अमित ठाकरे यांच्या कोकण जागरयात्रेची सांगता कोलाड राज ठाकरे यांच्या सभेने झाली. यावेळी ते म्हणाले, की मुंबई पुणे दृतगती महामार्ग बांधल्यावर संपुर्ण देशाला कळले, देशात चांगला रस्ता होऊ शकतो. ज्या महाराष्ट्राने देशाला चांगला रस्त्याच्या आदर्श घालून दिला, त्याच महाराष्ट्रातील मुंबई-गोवा महामार्गाची वर्षांनुवर्षे अवस्था अशी का? रस्त्यावर ठिकठिकाणी खड्डे का? कोकणी माणसाला राग येत नाही, त्यामुळे ही परिस्थिती असल्याचे राज ठाकरे म्हणाले. सारख्या नविन निविदा काढायच्या, नवीन ठेकेदार नेमायचे, टक्केवारी खायची या दृष्टचक्रात महामार्गाचे काम अडकले आहे. रस्ता खराब ठेऊन महामार्गालगत असलेल्या जागा कमी दरात विकत घ्यायच्या, आणि नंतर रस्ता होईल तेव्हा १०० पट दराने विकायच्या, हा यामागचा दृष्ट हेतू असल्याचा आरोप राज ठाकरे यांनी यावेळी केला.