साताऱ्यातील पोलीस आधिकाऱ्यांच्या बदल्या

पोलीस उपअधीक्षक राजश्री पाटील सांगली तुरची प्रशिक्षण केंद्र येथून कराड येथे बदली झाली आहे. विशाल खांबे यांची जालना येथून फलटण उपअधीक्षक म्हणून बदली झाली आहे. कराडचे उपअधीक्षक अमोल ठाकूर यांची ठाणे शहर येथे पोलीस उपायुक्त म्हणून बदली झाली आहे. सातारा ग्रामीणच्या सोनाली कदम यांची तुरची सांगली प्रशिक्षण केंद्र येथे बदली झाली आहे. दहिवडीच्या उपअधीक्षक अश्विनी शेंडगे यांची गुप्तवार्ता प्रबोधिनी, पुणे येथे बदली झाली आहे. फलटणचे उपअधीक्षक राहुल धस यांची नवी मुंबई येथे पोलीस उपायुक्त म्हणून बदली झाली आहे.

सातारा जिल्हा पोलीस दलात सध्या सहायक पोलीस निरीक्षक (एपीआय) दर्जाच्या आठ जणांना पदोन्नती मिळून ते पोलीस निरीक्षक होणार आहेत. याबाबतची माहिती गृह विभागाने मागवली असून, पुढील आठवड्यात प्रक्रिया होण्याची शक्यता आहे.

आठ पोलीस अधिकाऱ्यांमध्ये भुईंज पोलीस ठाण्याचे रमेश गर्जे, सातारा शहर पोलीस ठाण्यातील श्याम काळे, पोलीस अधीक्षकांचे वाचक रवींद्र तेलतुंबडे, तळबीडचे किरण भोसले, आर्थिक गुन्हेचे राजेंद्र चौधरी, अपर पोलीस अधीक्षक यांचे वाचक ज्ञानेश्वर धनवे, औंधचे अविनाश मते, नितीन नम या पोलीस अधिकाऱ्यांचा समावेश आहे. राज्यातील ३६१ सहायक पोलीस निरीक्षकांना बढती मिळून ते पोलीस निरीक्षक होणार आहेत. सध्या सातारा जिल्ह्यात कार्यरत असलेल्यांमध्ये आठ जणांचा समावेश आहे. पुढील आठवड्यात पदोन्नती मिळाल्यानंतर त्यांची राज्यभरात बदली होणार आहे.