scorecardresearch

Premium

“मला अजित पवारांसारखं व्हायचंही नाही, मी…”, सुनिल तटकरेंच्या ‘त्या’ टीकेवर रोहित पवारांचं प्रत्युत्तर

अजित पवार गटाचे खासदार सुनिल तटकरे यांनी रोहित पवारांनी कितीही जन्म घेतले तरी अजित पवार होऊ शकत नाही, अशी टीका केली. याला रोहित पवारांनी प्रत्युत्तर दिलं.

Sunil Tatkare Ajit Pawar Rohit Pawar
सुनिल तटकरेंनी केलेल्या टीकेवर रोहित पवारांनी प्रत्युत्तर दिलं आहे. (छायाचित्र- लोकसत्ता ग्राफिक्स टीम)

राष्ट्रवादी काँग्रेसच्या शरद पवार गटातील आमदार रोहित पवार यांनी बंडखोर अजित पवार गटातील नेत्यांवर टीका करताना भाजपाबरोबर गेलेत त्यांना कमळाच्या चिन्हावर लढावं लागेल, असं वक्तव्य केलं. यानंतर अजित पवार गटाचे खासदार सुनिल तटकरे यांनी रोहित पवारांना प्रत्युत्तर देत तुम्ही कितीही जन्म घेतले तरी अजित पवार होऊ शकत नाही, असा टोला लगावला. यावर रोहित पवारांनी प्रत्युत्तर दिलं. ते शुक्रवारी (२२ सप्टेंबर) कल्याणमध्ये पत्रकारांनी विचारलेल्या प्रश्नावर बोलत होते.

रोहित पवार म्हणाले, “अजित पवारांसारखं व्हायचंही नाही. अजित पवार मोठे नेते आहेत. मात्र, मी नेता बनण्यासाठी राजकारणात आलेलो नाही. मी विचार जपण्यासाठी राजकारणात आलो आहे.”

NCP Sharad pawar faction mla rohit pawar slams ajit pawar baramati speech
“भाजपाला जे ६० वर्षांत जमलं नाही, ते…”, रोहित पवार यांचे अजित पवारांना प्रत्युत्तर
Ajit pawar on sharad pawar
“आता काका का करावं लागेल”, अजित पवारांच्या टीकेवर शरद पवार गटाचं चोख प्रत्युत्तर; नेते म्हणाले, “अशी वेळ येईल की…”
What did the MPs of Hatkanangale do Criticism of Prakash Awade
हातकणंगलेच्या खासदारांनी काय केले ? प्रकाश आवाडे यांची टीका
Jitendra Awhad on Ajit pawar
अजित पवारांची ‘शेवटची निवडणूक’वरून सारवासारव अन् जितेंद्र आव्हाडांकडून चोख प्रत्युत्तर; म्हणाले, “जाऊ द्या कधीतरी…”

“आम्ही भूमिका घेतल्याने काही लोकांना आम्ही नेते बनतोय असं वाटतं”

“शरद पवारांबरोबर राहून गेली ३०-४० वर्षे लढणारी फळी अचानकपणे भाजपाबरोबर गेली. त्यानंतर आम्ही दुसऱ्या तिसऱ्या रांगेत असणारे कार्यकर्ते अचानक पुढच्या रांगेत आलो आणि लढत असताना आम्ही भूमिका घेतली. ही भूमिका घेतल्यामुळे काही लोकांना आम्ही नेते बनतोय असं वाटत असेल, तर ते चुकीचं आहे,” असं मत रोहित पवार यांनी व्यक्त केलं.

“आम्हाला नेता बनण्याची घाई नाही”

“त्यांना फक्त नेते माहिती आहेत, आम्हाला कार्यकर्ते आणि लोक माहिती आहेत. आम्ही कार्यकर्ते म्हणून लढत राहू. आम्हाला नेता बनण्याची घाई नाही,” असं म्हणत रोहित पवारांनी तटकरेंना टोला लगावला.

सुनिल तटकरे नेमकं काय म्हणाले होते?

सुनिल तटकरे यांनी रोहित पवार यांच्यावर बोचरी टीका केली. रोहित पवार अकाली प्रौढत्व आल्यासारखे वागतात, जणू जगातील देशातले राजकारण एकट्यालाच कळतं असा त्यांचा अविर्भाव असतो, असे सुनील तटकरे म्हणाले. जे भाजपाबरोबर गेलेत त्यांना कमळाच्या चिन्हावर लढावं लागेल असं वक्तव्य आमदार रोहित पवार यांनी केलं होतं. त्यावर तटकरे बोलत होते.

हेही वाचा : अजित पवारांसारखा भाऊ मिळणे हे सुप्रियाताईंचे भाग्य – सुनील तटकरे

अजित पवार हे दादा आहेत, त्यांची जागा कोणीही घेऊ शकत नाही. पहिल्यांदाच विधानसभेत निवडून आलात त्यात अजित पवारांचे योगदान मोठे आहे, असं सुनिल तटकरेंनी म्हटलं. तसेच चांगल्या प्रकारे काम करा असा सल्लाही दिला. रोहित पवार माध्यमांमध्ये येण्यासाठी अशी वक्तव्य करत असल्याचाही आरोप तटकरेंनी केला.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sharad pawar faction mla rohit pawar answer sunil tatkare over ajit pawar pbs

First published on: 23-09-2023 at 11:00 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×