ठाण्याच्या श्रीरंग सोसायटी येथील शिवसेनेचे विभागप्रमुख अमित जयस्वाल यांच्यावर बुधवारी रात्री शिवसेना शाखेत चाकूने जीवघेणा हल्ला झाल्याचा प्रकार उघडकीस आला आहे. पूर्ववैमन्यस्यातून हा हल्ला झाल्याची प्राथमिक माहिती समोर येत आहे. ठाण्यातील श्रीरंग सोसायटी परिसरात अमित जयस्वाल राहतात. बुधवारी रात्री शिवसेनेच्या शाखेत बसलेले असताना एकजण त्यांना भेटण्यासाठी आला. अमित जयस्वाल यांच्यासोबत बोलत असताना अचानक त्याने अमित यांच्या चेहऱ्यावर चाकूने हल्ला केला. त्यानंतर, हल्लेखोरास शिवसैनिकांनी बेदम चोप दिला. हेही वाचा - बंगळुरु हादरलं! प्रियकराला मारहाण करुन विद्यार्थिनीवर केला सामूहिक बलात्कार अमित जयस्वाल यांना उपचारासाठी ज्युपिटर रुग्णालयात दाखल करण्यात आले आहे. याप्रकरणी राबोडी पोलीस ठाण्यात गुन्हा दाखल करण्याची प्रक्रिया रात्री उशीरापर्यंत सुरू होती. ठाण्याचे पालकमंत्री आणि शिवसेनेचे नेते एकनाथ शिंदे यांनी जयस्वाल यांची ज्युपिटर रुग्णालयात जाऊन भेट घेतली.
