सावंतवाडी : शिक्षक पात्रता परीक्षेबाबत (TET) सर्वोच्च न्यायालयाने दिलेल्या निर्णयावर राज्य सरकारने उत्तर प्रदेश सरकारच्या धर्तीवर पुनर्विचार याचिका दाखल न केल्यास, सिंधुदुर्ग जिल्ह्यातील सर्व शिक्षक संघटनांच्या वतीने ४ ऑक्टोबरला जिल्हाधिकारी कार्यालयावर मूक मोर्चा काढण्यात येणार असल्याची माहिती महाराष्ट्र राज्य सर्व शिक्षक संघटनांच्या सिंधुदुर्ग शाखेने दिली आहे.
सर्वोच्च न्यायालयाने सध्या कार्यरत असलेल्या सर्व शिक्षकांना ‘टीईटी’ उत्तीर्ण होणे सक्तीचे केले आहे. तसेच, येत्या दोन वर्षांत टीईटी उत्तीर्ण न झाल्यास सक्तीने सेवानिवृत्त होण्याचा आणि पदोन्नतीसाठीही टीईटी बंधनकारक करण्याचा निर्णय दिला आहे.
या निर्णयाचा पुनर्विचार व्हावा, यासाठी राज्य शासनाने सर्वोच्च न्यायालयात पुनर्विचार याचिका दाखल करावी, अशी मागणी शिक्षक संघटनांनी लावून धरली आहे.
मूक मोर्चाची वेळ आणि सहभागी संघटना
या महत्त्वाच्या मागणीसाठी ४ ऑक्टोबर रोजी दुपारी २ ते ५ या वेळेत सिंधुदुर्ग जिल्ह्यातील सर्व शिक्षक संघटनांच्या वतीने रवळनाथ मंदिर ते जिल्हाधिकारी कार्यालय असा मूक मोर्चा काढण्यात येणार आहे.
