Today Maharashtra crossed benchmark of administration of 100 Million covid vaccine doses msr 87|महाराष्ट्राने गाठला १० कोटी लसीकरणाचा टप्पा ; आरोग्यमंत्र्यांनी केलं अभिनंदन!

राज्यातील लसीकरणाचा वेग वाढावा यासाठी ‘कवच कुंडले अभियान’ राबविण्यात येत आहे

(प्रातिनिधिक छायाचित्र)

राज्यातील करोना संसर्गाची दुसरी लाट आता ओसरली आहे. दररोज आढणाऱ्या करोनाबाधितांच्या संख्येत घट होत असून, करोनामुक्त होणाऱ्यांच्या संख्येतही वाढ सुरू आहे. तर, दुसरीकडे करोना प्रतिबंधात्मक लसीकरण देखील जोरात सुरू असल्याचं दिसून येत आहे. महाराष्ट्राने आज करोना लसीकरणात दहा कोटीचा टप्पा देखील गाठला आहे. आरोग्यमंत्री राजेश टोपे यांनी ट्विटद्वारे ही माहिती दिली आहे.

“महाराष्ट्राने आज दहा कोटी नागरिकांचे लसीकरण पूर्ण करण्याचा टप्पा गाठला. प्रत्येक जिल्ह्यात काम करणारे सर्व अधिकारी कर्मचाऱ्यांच्या अथक परिश्रमातूनच हे यश साध्य झाले. सर्वांचे अभिनंदन करतो. ” असं ट्विट आरोग्यमंत्री राजेश टोपे यांनी केलं आहे.

महाराष्ट्राने आज दहा कोटी नागरिकांचे लसीकरण पूर्ण करण्याचा टप्पा गाठला. प्रत्येक जिल्ह्यात काम करणारे सर्व अधिकारी कर्मचाऱ्यांच्या अथक परिश्रमातूनच हे यश साध्य झाले. सर्वांचे अभिनंदन करतो.#लसीकरण
— Rajesh Tope (@rajeshtope11) November 9, 2021

राज्यातील लसीकरणाचा वेग वाढावा यासाठी ‘कवच कुंडले अभियान’ राबविण्यात येत आहे. ८ ऑक्टोबरपासून सुरू असलेल्या या अभियानात शहरी आणि निमशहरी भागात लसीकरण वाढविण्यासाठी विशेष प्रयत्न केले जात आहेत.

This quiz is AI-generated and for edutainment purposes only.

याचबरोबर करोनाविरुद्धच्या लढाईत देशाने नवा विक्रम प्रस्थापित केला आहे. गुरुवारी देशाने करोना प्रतिबंधक लसीकरणाच्या बाबतीत १०० कोटींचा आकडा पार केला. विशेष म्हणजे ज्या व्यक्तीने १०० कोटीवी लस घेतली ती व्यक्ती पंतप्रधान नरेंद्र मोदी यांचा मतदार संघ असलेल्या वाराणसीची रहिवासी आहे.

First published on: 09-11-2021 at 19:43 IST

Web Title: Today maharashtra crossed benchmark of administration of 100 million covid vaccine doses msr

Corona Vaccination : महाराष्ट्राने गाठला १० कोटी लसीकरणाचा टप्पा ; आरोग्यमंत्र्यांनी केलं अभिनंदन!

राज्यातील लसीकरणाचा वेग वाढावा यासाठी ‘कवच कुंडले अभियान’ राबविण्यात येत आहे