महाराष्ट्रात आज १६ हजार १७७ रुग्ण करोनामुक्त झाले आहेत. राज्यात एकूण १४ लाख ३१ हजार ८५६ रुग्णांनी करोनावर मात केली आहे. यामुळे राज्यात रुग्ण बरे होण्याचं प्रमाण अर्थात रिकव्हरी रेट ८८.१ टक्के इतका झाला आहे. आज राज्यात ७ हजार ५३९ नवे रुग्ण पॉझिटिव्ह आढळले आहेत. तर मागील २४ तासात १९८ मृत्यूंची नोंद झाली आहे. सध्या राज्यातील मृत्यूदर २.६४ टक्के इतका झाला आहे. Maharashtra reports 7,539 new #COVID19 cases, 198 deaths and 16,177 discharges in the last 24 hours, as per the state's Public Health Department. Total cases in the state rise to 16,25,197, including 42,831 deaths and 14,31,856 recovered patients. Active cases stand at 1,50,011. pic.twitter.com/gGv8sW4EEQ — ANI (@ANI) October 22, 2020 आजपर्यंत तपासण्यात आलेल्या ८४ लाख २ हजार ५५९ प्रयोगशाळा नमुन्यांपैकी १६ लाख २५ हजार १९७ नमुने पॉझिटिव्ह आले आहेत. सध्या राज्यात २४ लाख ५९ हजार ४३६ व्यक्ती होम क्वारंटाइन आहेत. तर २४ हजार ६२१ व्यक्ती संस्थात्मक क्वारंटाइन आहेत. महाराष्ट्रात सध्याच्या घडीला १ लाख ५० हजार ११ अॅक्टिव्ह रुग्ण आहेत. आज राज्यात ७ हजार ५३९ नव्या करोना रुग्णांची नोंद झाली आहे. त्यामुळे महाराष्ट्रातील करोनाग्रस्तांची एकूण संख्या १६ लाख २५ हजार १९७ इतकी झाली आहे.
