परतूर बागेश्वरी साखर कारखान्यात गुरुवारी सायंकाळी झालेल्या गंधक (सल्फर) भट्टीच्या स्फोटात दोन कर्मचारी जागीच ठार झाले. तर दोन कर्मचारी जखमी झाले आहेत. कर्मचारी  आबासाहेब शंकर पारखे (वय ४४, रा. शिरसगाव ता. परतुर) पर्यवेक्षक अशोक तेजराव देशमुख (रा. राहुरी ता. सिंदखेडराजा) हे दोघे जागीच ठार झाले तर नवनाथ पांढरपोटे व कदीर पटेल (रा. वरफळ) हे दोघे किरकोळ जखमी झाले आहेत. जखमींवर  परतुर येथील प्राथमिक आरोग्य केंद्रात उपचार करण्यात आले तर मृत दोन कर्मचाऱ्यांचे शवविच्छेदन शुक्रवारी करण्यात येणार असल्याचे वैद्यकीय अधिकारी डॉक्टर ज्ञानेश्वर नवल यांनी सांगितले.