बीड-परळी मार्गावर दोन कारची समोरासमोर धडक होऊन भीषण अपघात झाल्याची घटना घडली आहे. या घटनेत महिला पोलीस कर्मचारी कोमल शिंदे आणि त्यांच्या नऊ वर्षाचा मुलाचा जागीच मृत्यू झाला आहे. तर दोन जण जखमी झाले आहेत. कोमल शिंदे आपल्या मुलाला दवाखान्यात घेऊन जाताना हा अपघात झाला. मात्र, हा अपघात नेमका कसा झाला याबाबत अद्याप माहिती मिळाली नाही. पोलीस या घटनेचा अधिक तपास करत आहेत. हेही वाचा- पुणे-लोणावळा रेल्वेत टीसीला बेदम मारहाण; आरोपी पोलिसांच्या ताब्यात दोन जण गंभीर जखमी दिंद्रुड पोलीस ठाण्याच्या महिला पोलीस कर्मचारी कोमल शिंदे आपल्या ९ वर्षाच्या मुलाला घेऊन रुग्णालयात जात होत्या. यावेळी बीड-परळी मार्गावर समोरुन येणाऱ्या गाडीची धडक बसली. ही धडक एवढी जोरात होती, की दोन्ही गाड्या उडून रस्त्याच्या बाजूला पडल्या. या घटनेत कोमल शिंदे आणि त्यांचा मुलाचा जागीच मृत्यू झाला. तर गाडी चालक पोलीस कर्मचारी नवनाथ लटपटळे आणि परळीचे शासकीय डॉक्टर इलियाज अपघातात गंभीर जखमी झाले आहेत. जखमींना शिरसाळा पोलिसांनी तात्काळ अंबाजोगाईच्या शासकीय रुग्णालयात दाखल केले आहे.
