सलमान खान दबंग ३ च्या निमित्तानं पुन्हा एकदा चाहत्यांच्या मनावर अधिराज्य गाजवण्यासाठी येत आहे. सध्या तो याच चित्रपटाच्या शूटींगमध्ये व्यग्र आहे. सलमान आणि त्याचा फिटनेस हे नातं सर्वांच्याच परिचयाचं आहे. गेल्या काही दिवसांपासून सोशल मीडियावर तो यासंदर्भातील नवनवे व्हिडीओ शेअर करताना दिसत आहे. सलमानच्या अन्य अॅक्शनपटांसारखाच दबंग ३ मध्येदेखील सलमान निरनिराळे स्टंट करताना दिसेल. परंतु गेल्या काही दिवसांपासून एक गोष्ट आपल्याला सतावत असल्याची माहिती खुद्द सलमाननंच एका मुलाखतीदरम्यान दिली. वाढत्या वयोमानानुसार अॅक्शन सीन करणं आपल्याला कठिण जात असल्याचं सलमान म्हणाला. मी पहिल्यापासून अॅक्शन चित्रपट केले आहेत. त्यामुळे अशा सीन्सची माझ्या शरीराला सवय झाली आहे. परंतु या वयात अॅक्शन सीन देणं हे खुप कठीण झालं आहे. माझ्या वाढत्या वयामुळे यात मला त्रास होतो. अनेकदा अॅक्शन सीन देताना मला पाच ते सहा वेळा त्याची रिहर्सल करावी लागते. यामध्ये अनेकदा मला दुखापतही होते. अनेकदा यामध्ये थकायलाही होतं, असं सलमान एका मुलाखतीदरम्यान म्हणाला होता. View this post on Instagram Being strong equipment displayed in delhi at the pragati maidan agar aas pass ho aur time ho toh go check it out n feed back de Dena #beingstrong @realstrong.in @aaba81 @beingstrongindia A post shared by Chulbul Pandey (@beingsalmankhan) on Jul 6, 2019 at 4:59am PDT आम्हाला प्रेक्षकांसाठी काहीतरी नवं आणि चांगलं द्यावं लागतं. त्यामुळे यात खुप मेहनत करावी लागते. यासाठी तुमची वागणूक चांगली असावी लागते. जास्त काम असल्यानं अनेकदा दोन ते तीन तास झोप मिळते. तसंच ज्यावेळी वेळ मिळतो त्यावेळी चित्र काढणं किंवा लिहिण्यासारखे छंदही जोपासत असल्याचं तो म्हणाला.