रविवारी १४ जून रोजी सुशांत सिंह राजपूतने राहत्या घरात गळफास घेऊन आत्महत्या केली. त्याने वयाच्या ३४व्या वर्षी जगाचा निरोप घेल्यामुळे चाहत्यांसोबतच सर्व कलाकारांना धक्का बसला. बॉलिवूड अभिनेता अक्षय कुमारने सोशल मीडिया पोस्टद्वारे सुशांतला श्रद्धांजली वाहिली. आता अक्षयचा एक जुना व्हिडीओ पुन्हा सोशल मीडियावर व्हायरल होत आहे. या व्हिडीओमध्ये अक्षय खूप महत्त्वाचा संदेश देताना दिसत आहे. बॉम्बे टाइम्सने त्यांच्या अधिकृत ट्विटर अकाऊंटवर अक्षयचा जुना व्हिडीओ शेअर केला आहे. व्हिडीओ शेअर करत त्यांनी, 'आत्महत्या करणे हा कोणत्याही समस्येवरचा उपाय नाही. इतके खरतनाक आणि मोठे पाऊल उचलताना आपल्या कुटुंबीयांचा आणि मित्रांचा विचार करायला हवा. आपण त्यांना किती दु:ख देणार. या जुन्या व्हिडीओमध्ये अक्षय मेंटल हेल्थ विषयी बोलताना दिसत आहे' असे कॅप्शन दिले आहे. "Suicide is never the solution. Please think about your family and friends before taking such a drastic step." This throwback video of @akshaykumar stressing out on mental health and happiness is what we all need right now to cope up with the hardships in life!#RIPSushant pic.twitter.com/o62TIsolAD — BombayTimes (@bombaytimes) June 15, 2020 अक्षय कुमारने सुशांतच्या निधनानंतर एक ट्विट केले होते. 'खरं सांगू मला या घटनेने धक्काच बसला आहे आणि माझ्याकडे बोलायला शब्द नाहीत. मला आजही आठवतय मी सुशांत सिंह राजपूतचा छिछोरे पाहत होतो आणि माझा मित्र, चित्रपट निर्माता साजिदला मला चित्रपट आवडल्याचे सांगत होतो. तसेच मी या चित्रपटात काम करायला हवे होते असे साजिदला म्हटले' असे अक्षयने ट्विटमध्ये म्हटले होते.