बॉलिवूडमधी प्रसिद्ध अभिनेते आशुतोष राणा यांना करोनाची लागण झाली आहे. विशेष म्हणजे सात दिवसांपूर्वीच त्यांनी करोना प्रतिबंधात्मक लस घेतली होती. 6 एप्रिलला आशुतोष राणा यांनी करोना लसीचा पहिला डोस घेतला होता. करोनाची लागण झाल्यानंतर ते होम क्वारंटाइन झाले आहेत. आशुतोष राणा यांची पत्नी अभिनेत्री रेणुका शहाणे यांनी एक फोटो शेअर करत दोघांनी लस घेतल्याची माहिती दिली होती. रेणुका शहाणे यांनी लसीकरण केंद्रातील एक फोटो पोस्ट करत तिथल्या डाक्टरांचे आणि टीमचे आभार मानले होते. रेणुका शहाणे त्यांच्या ट्विटमध्ये म्हणाल्या होत्या, "कोविड लसीकरण केंद्राच्या सर्व वैद्यकीय चिकित्सकांचे, परिचारिकांचे विशेष आभार. आज आम्ही लसिकरणाचा पहिला डोस घेतला. लसीकरण करून घ्या व आवर्जून मास्क लावा, सामाजिक अंतर ठेवा व हात सॅनिटाईझ करत रहा." असं ट्विट त्यांनी केलं होतं. BKC कोविड लसीकरण केंद्राच्या उत्तम सेवेसाठी @mybmc @CMOMaharashtra @PMOIndia व कोविड लसीकरण केंद्राच्या सर्व वैद्यकीय चिकित्सकांचे, परिचारिकांचे विशेष आभार आज आम्ही लसिकरणाचा पहिला डोस घेतला. लसीकरण करून घ्या व आवर्जून मास्क लावा, सामाजिक अंतर ठेवा व हात सॅनिटाईझ करत रहा pic.twitter.com/TGHyAN7Kd7 — Renuka Shahane (@renukash) April 6, 2021 त्याचसोबत 11 एप्रिलला त्यांनी एक ट्विट करत चिंता व्यक्त केली होती. मुंबईत शनिवार आणि रविवार लॉकडाउन असतानाही काही लोक गर्दी करत असल्याचं त्या म्हणाल्या होत्या. "पोशा नाखवा क्रीडांगण, यारी रोड मध्ये साधारण पन्नासहून अधिक लोक क्रिकेट व इतर खेळ खेळत आहेत. कोणीच मास्क लावलेले नाही आहेत. अशा बेजबाबदार वागण्याने महामारी संपेल? काही आपल्या लहान मुलांना बाहेर फिरायला नेत आहेत, विना मास्क! मुंबईत शनिवार व रविवार लाॅकडाऊन नाही आहे का?" असा सवाल त्यांनी प्रशासनाला केला होता. आलिया भट्टची करोना चाचणी नेगेटिव्ह; फोटो शेअर करत म्हणाली… पोशा नाखवा क्रीडांगण, यारी रोड मध्ये साधारण पन्नासहून अधिक लोक क्रिकेट व इतर खेळ खेळत आहेत. कोणीच मास्क लावलेले नाही आहेत. अशा बेजबाबदार वागण्याने महामारी संपेल? काही आपल्या लहान मुलांना बाहेर फिरायला नेत आहेत, विना मास्क! मुंबईत शनिवार व रविवार लाॅकडाऊन नाही आहे का? @mybmc — Renuka Shahane (@renukash) April 11, 2021 दरम्यान गेल्या काही दिवसांपासून बॉलिवूडमध्ये अनेक सेलिब्रिटींना करोनाची लागण झाल्याने चिंता वाढू लागली आहे.
