‘भिकारी’ सिनेमाच्या सुपरसाँगचे चित्रिकरण पूर्ण

[jwplayer 9cvc755V]

मी मराठा एंटरटेन्मेंटच्या शरद देवराम शेलार आणि गणेश आचार्य यांची निर्मिती असलेला ‘स्वामी तिन्ही जगाचा… भिकारी’ हा चित्रपट जाहीर झाल्यापासून चर्चेत आहे. महानायक अमिताभ बच्चन आणि अभिनेता टायगर श्रॉफ यांच्या उपस्थितीत चित्रपटाचा मुहुर्त झाला होता. मुंबईतील फिल्मसिटी येथे चित्रपटाचं चित्रीकरण नुकतेच सुरू झाले असून अभिनेता स्वप्नील जोशी, अभिनेत्री ऋचा इनामदार, गुरू ठाकूर आणि कीर्ती आडारकर यांच्यावर ‘देवा हो देवा’ हे गाणे चित्रीत करण्यात आले आहे. सुखविंदरसिंग यांनी गायलेले हे गाणे मिलिंद वानखेडे आणि विशाल मिश्रा यांनी संगीतबद्ध केले आहे. चित्रपटात एकूण सहा गाणी आहेत. राहुल ठोंबरे आणि संजीव होवाळदार यांनी नृत्य दिग्दर्शन केले आहे. दिग्दर्शक गणेश आचार्यही नेहमीच्या शैलीत गाण्यात दिसणार आहेत. तीन दिवस या गाण्याचे चित्रीकरण सुरू होते.

‘गजानना’ या गाण्याच्या चित्रीकरणाचा तामझाम कोणत्याही बॉलिवूड चित्रपटाला लाजवेल इतका भव्य होता. खास या गाण्यासाठी चाळीस फूट उंचीचा सेट उभारण्यात आला. गणपती बाप्पांची ३५ फुटी मुर्ती ठेवण्यात आली होती. तब्बल एक हजार कलाकारांचा या गाण्यात सहभाग होता. सेटवर ढोलताशा, झांजांचा गजर होत होता. तसंच सतारही वाजवली जात होती. या चित्रीकरणावेळी वातावरण रंगीबेरंगी होऊन गेले होते. तब्बल २५० मोठ्या घंटा या गाण्याच्या चित्रीकरणासाठी वापरण्यात आल्या आहेत. येत्या गणेशोत्सवात हे गाणे गाजणार हे नक्कीच आहे. या चित्रपटाची निर्मितीमूल्य पाहता, ‘स्वामी तिन्ही जगाचा… भिकारी’ हा २०१७ मधील बिगबजेट आणि बहुचर्चित चित्रपट ठरणार यात शंका नाही.

[jwplayer mNxO81bp]