News Flash

‘बाहेर येताच अर्णब १०० टक्के भाजपाचा विरोध करणार’; केआरकेचा वादग्रस्त दावा

अर्णब गोस्वामी यांचा कारागृहातील मुक्काम वाढला

रिपब्लिक चॅनेलचे संपादक अर्णब गोस्वामी यांना पोलिसांनी अटक केली आहे. वास्तुविशारद अन्वय नाईक आत्महत्या प्रकरणी ही कारवाई करण्यात आली. मृत्यूपूर्वी लिहिलेल्या एका चिठ्ठीत त्यांनी अर्णब गोस्वामी यांच्यावर पैसे थकवल्याचा आरोप केला होता. या प्रकरणाची चौकशी सध्या सुरु आहे. दरम्यान या प्रकरणावर अभिनेता कमाल आर. खान उर्फ केआरके याने प्रतिक्रिया दिली आहे. “कारागृहातून बाहेर येताच अर्णब १०० टक्के भाजपाचा विरोध करणार” असा वादग्रस्त दावा त्याने केला आहे.

अवश्य पाहा – ये फिटनेस की बात है! पाहा मलायकाचा ‘हॉट योगा’

कमाल खान आपल्या वादग्रस्त वक्तव्यांमुळे नेहमीच चर्चेत असतो. यावेळी त्याने अर्णब गोस्वामी यांच्या अटकेवर भाष्य केलं आहे. “मला असं वाटतंय की कारागृहातून बाहेर पडताच अर्णब गोस्वामी १०० टक्के भाजपाच्या विरोधात बोलणार. कारण त्यांना भाजपाने मदत केली नाही. सुधीर चौधरी यांच्या बाबतीतही असंच काहीसं घडलं होतं. जेव्हा अटक झाली होती तेव्हा अहमद पटेल यांनी त्यांना मदत केली नाही. तेव्हापासून त्यांनी काँग्रेस विरोधात बोलण्यास सुरुवात केली.” अशा आशयाचं ट्विट कमाल खानने केलं आहे. त्याचं हे ट्विट सध्या सोशल मीडियावर सर्वांचेच लक्ष वेधून घेत आहे.

अवश्य पाहा – फॅट ‘गंगूबाई’चा फिट अवतार; ८ महिन्यात २२ किलो वजन केलं कमी

अवश्य पाहा – ‘आमच्या भावनांशी खेळ नकोस’; दया बेनच्या त्या फोटोंवर चाहते संतापले

अर्णब गोस्वामी यांना अटक कशासाठी?

वास्तुविशारद अन्वय नाईक आत्महत्या प्रकरणी अर्णब गोस्वामी यांच्यावर अटकेची कारवाई करण्यात आली आहे. ५ मे २०१८ रोजी अन्वय नाईक यांनी अलिबाग येथील राहत्या घरी आत्महत्या केली होती. अन्वय नाईक यांनी आत्महत्येआधी लिहिलेल्या सुसाईड नोटमध्ये पत्रकार अर्णब गोस्वामी यांचं नाव असल्याचं सांगण्यात येत आहे. पैसे थकवल्याचा आरोप करत त्यांनी चिठ्ठीत अर्णब गोस्वामी यांना आत्महत्येला जबाबदार धरण्यात आलं होतं. अन्वय नाईक यांच्या पत्नी अक्षता नाईक यांनीही हा आरोप केला आहे. त्यांनी अर्णब गोस्वामी यांच्यासह तिघांविरोधात तक्रार दाखल केली होती.

रिपब्लिकचा काय दावा?

पोलिसांकडून करण्यात आलेल्या कारवाईवर रिपब्लिकने प्रश्नचिन्ह उपस्थित केलं आहे. पोलिसांनी घरात जबरदस्ती घुसखोरी करत अर्णब गोस्वामी यांच्यासोबत धक्काबुक्की केल्याचा रिपब्लिकचा दावा आहे. अर्णब गोस्वामी यांना पोलिसांकडून धमकावण्यात आल्याचंही त्यांचं म्हणणं आहे. कोणतीही अधिकृत कागदपत्रं नसताना आणि बंद झालेल्या केसमध्ये ही अटक झाल्याचा दावा आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 7, 2020 7:12 pm

Web Title: kamaal r khan comment on arnab goswami arrest mppg 94
Next Stories
1 ‘नुसतं वय वाढलं, पण अद्याप…’; मिलिंद सोमणच्या ‘न्यूड फोटो’वर शेखर सुमन यांचा टोला
2 महेश मांजरेकर यांचं दमदार पुनरागमन; केली ड्रीम प्रोजेक्टची सुरुवात
3 अभिनेत्रीनं शेअर केला ‘बाथरुम सेल्फी’; काही तासांत मिळाले ६ लाख व्हूज
Just Now!
X