27 September 2020

News Flash

महेश लिमये आता ‘दुहेरी’ भूमिकेत!

मराठी आणि हिंदी चित्रपटांसाठी सिनेमॅटोग्राफर अर्थात छायाचित्रणकार म्हणून ओळख असलेला महेश लिमये आता ‘यलो’ या चित्रपटाच्या माध्यमातून दिग्दर्शक म्हणून

| January 29, 2014 07:38 am

मराठी आणि हिंदी चित्रपटांसाठी सिनेमॅटोग्राफर अर्थात छायाचित्रणकार म्हणून ओळख असलेला महेश लिमये आता ‘यलो’ या चित्रपटाच्या माध्यमातून दिग्दर्शक म्हणून प्रेक्षकांसमोर येणार आहे. दिग्दर्शनाबरोबरच या चित्रपटाच्या छायाचित्रणाची जबाबदारीही महेशने सांभाळली आहे. त्यामुळे मराठी प्रेक्षकांना पहिल्यांदाच महेशचा ‘डबलरोल’ पाहायला मिळणार आहे.  
‘उत्तरायण’, ‘नटरंग’, ‘बालगंधर्व’, ‘बालक पालक’ आदी मराठी तर ‘कॉर्पोरेट’, ‘ट्रॅफिक सिग्नल’, ‘दबंग’, ‘दबंग-२’ अशा हिंदी चित्रपटासाठी महेशने छायाचित्रणकार (कॅमेरामन) म्हणून आजवर काम केले आहे. ‘यलो’ चित्रपटाच्या माध्यमातून तो दिग्दर्शकाच्या क्षेत्रात पदार्पण करत आहे.
रितेश देशमुख आणि उत्तुंग ठाकुर यांनी या चित्रपटाची निर्मिती केली आहे.
चित्रपटाची कथा अंबर हडप, गणेश पंडित आणि क्षितीज ठाकुर यांची असून गुरू ठाकूर यांच्या गीतांना कौशल इनामदार यांनी संगीतबद्ध केले आहे. उपेंद्र लिमये व मृणाल कुलकर्णी चित्रपटातील प्रमुख कलाकार आहेत. महेशच्या या नव्या भूमिकेसाठी प्रेक्षकाना २८ मार्च पर्यंत प्रतीक्षा करावी लागणार आहे.    

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 29, 2014 7:38 am

Web Title: mahesh limaye in double role in yellow
टॅग Marathi Movie
Next Stories
1 नाटय़निर्माता संघाच्या ‘दीर्घांक’ स्पर्धेच्या अंतिम फेरीत १५ एकांकिका
2 चित्रीकरणादरम्यान अमिषा पटेलला दुखापत
3 अर्शद वारसीला शुटिंगदरम्यान दुखापत
Just Now!
X