'स्वराज्य रक्षक संभाजी' या मालिकेतून घराघरात पोहोचलेली अभिनेत्री म्हणजे प्राजक्ता गायकवाड. उत्तम अभिनयशैली आणि गोजिरवाणा चेहरा यांच्या जोरावर प्राजक्ता आज विशेष लोकप्रिय आहे. प्राजक्ता सध्या 'आई माझी काळूबाई' या मालिकेत मुख्य भूमिका साकारत आहे. या मालिकेच्या निमित्ताने तिने 'लोकसत्ता डिजिटल अड्डा'मध्ये हजेरी लावली होती. या मुलाखतीत तिने अनेक गोष्टींवर चर्चा केली. तसंच तिच्या जीवनातील अनेक गोष्टी शेअर केला. दरम्यान, 'स्वराज्य रक्षक संभाजी' या मालिकेत प्राजक्ताने महाराणी येसूबाई ही भूमिका साकारली होती. या भूमिकेमुळे तिची लोकप्रियता कमालीची वाढली आहे. त्यातच 'आई माझी काळूबाई' या मालिकेत ती आर्या ही भूमिका साकारत असून तिची ही भूमिकादेखील प्रेक्षकांना विशेष आवडत असल्याचं दिसून येत आहे. या मुलाखतीत प्राजक्ताने तिच्या करिअरसोबतच तिच्या कुटुंबाविषयी आणि कॉलेजजीवनातील काही आठवणी शेअर केल्याचं पाहायला मिळालं.