गोव्यातील चापोली धरणावर आक्षेपार्ह व्हिडीओ शूट केल्याप्रकरणी अभिनेत्री पूनम पांडे व तिचा पती सॅम बॉम्बे यांना पोलिसांनी अटक केली होती. या प्रकरणात आता पूनमला जामीन मिळाला आहे. प्रत्येकी २० हजार रुपयांच्या जातमुचलक्यावर त्यांना जामीन मिळाला आहे. सध्या या प्रकरणाची चौकशी सुरु आहे. दरम्यान हा व्हिडीओ शूट केला जात असताना तिथे उपस्थित असलेल्या दोन पोलीस कर्मचाऱ्यांनाही निलंबित करण्यात आलं आहे. शिवाय अश्लील व्हिडीओ शूट करणाऱ्या व्यक्तीवरही गुन्हा दाखल करण्यात आला आहे. अवश्य पाहा - 'आमच्या भावनांशी खेळ नकोस'; दया बेनच्या त्या फोटोंवर चाहते संतापले प्रकरण काय आहे? पूनम पांडे हनीमून साजरा करण्यासाठी गोवा येथे गेली होती. त्यावेळी तिने चापोली धरणावर एक आक्षेपार्ह व्हिडीओ शूट केला. लक्षवेधी बाब म्हणजे हे धरण पाटबंधारे खात्याच्या नियंत्रणाखाली आहे. या पार्श्वभूमीवर व्हिडीओबाबत गोवा फॉरवर्ड पक्षानं संताप व्यक्त केला. गोव्यामध्ये सरकारी जमिनीवर अश्लील व्हिडीओ शूट करण्याची संमती कोणी दिली? भाजपा गोव्याला पॉर्न डेस्टिनेशन करु पाहतेय का? असे सवाल करत त्यांनी पूनमवर जोरदार टीका केली. या तक्रारीनंतर पूनम पांडे व तिच्या पतीला पोलिसांनी अटक केली होती. गोवा फॉरवर्ड महिला शाखेच्या अध्यक्षा अश्मा सय्यद यांनी या प्रकरणाची सखोल चौकशी करण्याची मागणी पोलिसांकडे केली आहे.
