वयाच्या बाराव्या वर्षी पहिल्यांदा शरीरसंबंध ठेवल्याची कबुली अभिनेता रणवीर सिंगने दिली आहे. ‘डेक्कन क्रॉनिकल’ला दिलेल्या मुलाखतीत कंडोमच्या जाहिरातीबद्दल प्रश्न विचारला असता त्याने हा खुलासा केला. १२ वर्षांचा असताना मी केवळ उत्सुकतेपोटी माझ्यापेक्षा वयाने मोठ्या असलेल्या महिलेशी शरीरसंबंध ठेवले होते, असं तो म्हणाला.

”मी प्रत्येक गोष्ट खूप कमी वयात केली. मी काळाच्या पुढे होतो असं म्हटलं तरी ते चुकीचं ठरणार नाही. मी शाळेत असताना माझ्या मित्रांचे आईवडील मला म्हणायचे की, तू आमच्या मुलांना बिघडवत आहेस. माझ्या वयाच्या मुलांना सेक्सविषयी फार काही माहीत नव्हतं. त्यामुळे मी यात खूप एक्स्पर्ट झालो असं मला वाटायला लागलं होतं,” असं रणवीरने सांगितलं.

https://www.instagram.com/p/B0lQrdZBIOP/

आणखी वाचा : ‘सेक्रेड गेम्स२’मुळे या व्यक्तीच्या डोक्याला झालाय ताप; ‘नेटफ्लिक्स’नेही मागितली माफी

रणवीरने या मुलाखतीत कंडोमची जाहिरात करण्यामागचं कारणदेखील सांगितलं. तो म्हणाला, ”मी एकदा कारमध्ये बसलो होतो. त्यावेळी समोर असलेल्या होर्डिंगवरील विविध जाहिराती पाहत होतो. त्यावर विविध विक्रीच्या वस्तू दिसल्या पण कंडोमची जाहिरात कुठेच नव्हती. मग मला समजलं की आपल्याकडे कंडोमच्या ज्या जाहिराती आहेत त्या अत्यंत प्रक्षोभक आहेत. सेक्सची फक्त हीच एक संकल्पना होऊ शकत नाही. पण आता समाजाचा या गोष्टींकडे बघण्याचा दृष्टीकोन बदलत आहे. त्यामुळे आता याविषयी मोकळेपणाने आपण बोलू शकतो.”