रणवीर सिंग हा अभिनयाबरोबरच त्याच्या 'अतरंगी' फॅशनसाठीही ओळखला जातो. आतापर्यंत कोणत्याही बॉलिवूड सेलिब्रिटीनं त्याच्यासारखी स्टाईल करण्याचं धाडस केलं नसणार हे नक्की. अनेकदा तर त्याचा पेहराव सोशल मीडियावर थट्टेचा विषयही ठरला आहे, पण फॅशन क्रिटीक्सच्या टीका रणवीर फारशा मनावर घेत नाही. मला जे आवडतं आणि जे योग्य वाटतं तेच मी करणार अशा मताचा तो आहे. आता पुन्हा एकदा रणवीर कपूर त्याच्या अतरंगी फॅशनसाठी चर्चेत आला आहे. रणवीर त्यानं परिधान केलेलं 'वर्साची' या आलिशान ब्रँडचं शर्ट, त्यावरील असलेल्या विचित्र प्रिंट आणि किंमतीमुळे चर्चेत आला आहे. या ब्रँडनं तयार केलेले विशिष्ट प्रिंटचे हे कपडे काही सेलिब्रिटींच्या पसंतीस पडले नाही. पण, रणवीरला मात्र ते भलतेच आवडले. आतापर्यंत जगभरातील तीनच सेलिब्रिटींनी हे नव्या कलेक्शनचे कपडे परिधान केले आहेत आणि त्यात रणवीरचा समावेश आहे. वाईल्ड प्रिंट असलेल्या या सिल्क शर्टची किंमत ही अडीच लाखांहून अधिक असल्याचं समजत आहे. अनेकांना हा शर्ट अजिबात आवडला नसला तरी हटके फॅशनचा चाहता असलेल्या रणवीरला मात्र ते सर्वात जास्त आवडले आहे.
