कधी काळी बॉलिवूडमध्ये सुपरहिट ठरलेला चित्रपट 'सडक' या चित्रपटाचा सीक्वल लवकरच प्रेक्षकांच्या भेटीला येणार आहे. महेश भट दिग्दर्शित 'सडक' या चित्रपटामध्ये संजय दत्त आणि पुजा भट यांची केमिस्ट्री पाहायला मिळाली होती. हा चित्रपट त्या काळी प्रचंड गाजला होता. त्यामुळेच या चित्रपटाचा सीक्वल लवकरच प्रेक्षकांच्या भेटीला येणार आहे. या चित्रपटामध्ये मुख्य भूमिकेमध्ये अभिनेत्री आलिया भट झळकणार असून आणखी एका नव्या अभिनेत्याचं नाव या चित्रपटासाठी चर्चिलं जात आहे. 'सडक २' या आगामी चित्रपटामध्ये आलियाबरोबर अभिनेता संजय दत्तही स्क्रिन शेअर करणार आहे. तसंच मुख्य अभिनेत्याच्या भूमिकेमध्ये कोण झळकणार याविषयी अजून कोणतंही स्पष्टीकरण दिग्दर्शिक किंवा निर्मात्यांकडून देण्यात आलं नाही. मात्र सुशांत सिंह राजपूत याच्या नावाचा विचार सुरु असू नुकतीच त्याने दिग्दर्शक महेश भट यांची भेट घेतल्याचं समोर आलं आहे. I forgot to thank you sir for your precious time you gave me and for which I’ve been waiting for so long. Thank you sir @MaheshNBhatt I hope my nuances here do justice to my feelings like yours do to ours. And as what you said, “what needs to be done, must be done.” — Sushant Singh Rajput (@itsSSR) August 24, 2018 दरम्यान, सुशांतने घेतलेल्या या भेटीमुळे 'सडक २' मध्ये सुशांत आलियाबरोबर झळकणार असल्याची शक्यता वर्तविण्यात येत आहे. तसंच काही दिवसापूर्वी सुशांतने या चित्रपटासंदर्भात ट्विटरवर एक पोस्टही केली होती. त्यामुळे सुशांतची या चित्रपटासाठी वर्णी लागणार का याकडे साऱ्यांच लक्ष वेधलं आहे.