‘माफ करण्यावर तुझा विश्वास आहे का?’, विवेक ओबेरॉयचा सलमानला सवाल

तुला जर सलमानला प्रश्न विचारण्याची संधी दिली तर तू काय विचारशील असा सवाल विवेकला या मुलाखतीत करण्यात आला होता. त्यावर तो म्हणाला, ‘तू माफ करण्यावर विश्वास करतोस का,’ असा प्रश्न विचारेन. विवेकच्या या प्रश्नामुळे पुन्हा एकदा सलमान आणि त्याच्यात १६ वर्षांपूर्वी झालेला वाद चर्चेत आला.

विवेकने २००३ मध्ये पत्रकार परिषद घेत सलमानवर काही आरोप केले होते. त्यानंतर विवेकच्या करिअरला उतरती कळा लागली असं म्हटलं जातं. या वादाशी सलमानचंही फार जुनं नातं आहे. बी-टाऊनमध्ये बऱ्याच लोकांसोबत सलमानचे वाद झाले. पण वेळेनुसार ते वाद मिटलेसुद्धा. विवेकसोबतचा वाद मात्र अजूनही कायम आहे. आता विवेकच्या या प्रश्नावर सलमान काय उत्तर देतो हे पाहणं महत्त्वाचं ठरणार आहे.