Kamal Haasan Viral Video : कमल हासन सध्या त्यांच्या ‘ठग लाईफ’ चित्रपटामुळे चर्चेत आहेत. कमल हासन नुकतेच चेन्नईतील एका कार्यक्रमात सहभागी झाले होते. दरम्यान असे काही घडले ज्याचा व्हिडीओ व्हायरल होत आहे.

पीटीआयच्या अधिकृत पेजवरून या कार्यक्रमाचा एक व्हिडीओ प्रसिद्ध करण्यात आला आहे. या व्हिडीओमध्ये एका चाहत्याने कमल हासन यांना तलवार भेट दिली आणि ते संतापले आणि प्रकरण इतके वाढले की पोलिसांना प्रकरण हाताळावे लागले.

आता समोर आलेल्या व्हिडीओमध्ये कमल हासन स्टेजवर उभे आहेत आणि स्टेजवर एक चाहता आला, त्याने घाईघाईने ती तलवार कमल हासन यांच्या हाती दिली. अभिनेता कचरत राहिला आणि त्याला असे न करण्याची विनंती करत राहिला, पण चाहत्याने ऐकले नाही. चाहता वारंवार कमल हासन यांना तलवार घेऊन पोज देण्यास सांगत होता. कमल हासन यावर संतापले.

दरम्यान, एका पोलिस अधिकाऱ्याने ताबडतोब हस्तक्षेप केला आणि त्यांनी तलवार बाजूला ठेवली. तलवार घेऊन आलेल्या लोकांनाही स्टेजवरून खाली उतरवण्यात आले. त्यानंतर कमल हासन देखील लगेच शांत झाले. नंतर कमल हासन यांनी त्याच्याशी हस्तांदोलन केले आणि त्यांना निरोप दिला.

हेही वाचा

कमल हासन राजकीय आघाडीवर प्रगती करत असतील, पण अभिनेता म्हणून त्यांना अडचणी येत आहेत, त्यांचे दोन चित्रपट सलग फ्लॉप झाले आहेत. एस शंकर यांच्या ‘इंडियन २’ (२०२४) च्या प्रचंड अपयशानंतर त्यांना अलीकडेच ‘ठग लाईफ’ या चित्रपटाने आणखी एक मोठी निराशा सहन करावी लागली.

‘नायकन’ हा चित्रपट बॉक्स ऑफिसवर फ्लॉप झाल्यानंतर ३७ वर्षांनी मणिरत्नम यांच्याबरोबरचा त्यांचा हा पहिलाच चित्रपट होता. रिलीज होऊन १० दिवस उलटले असले तरी पण इंडस्ट्री ट्रॅकर सॅकनिल्कच्या मते, ‘ठग लाईफ’ने जागतिक स्तरावर अद्याप १०० कोटी रुपयांचा टप्पा ओलांडलेला नाही, ज्यावरून असे दिसून येते की ते ‘इंडियन २’ पेक्षाही वाईट असू शकते, ज्याने जगभरात १४८.८३ कोटी रुपये कमावले होते.

This quiz is AI-generated and for edutainment purposes only.