Malaika Arora sells luxury Andheri West Apartment : बॉलीवूड अभिनेत्री मलायका अरोरा तिच्या फॅशन, आलिशान जीवनशैली, फिटनेस व नृत्यासाठी प्रसिद्ध आहे. चाहते या अभिनेत्रीच्या आयुष्याबद्दल जाणून घेण्यास नेहमीच उत्सुक असतात. अलिकडेच मलायका अरोरा तिच्या आलिशान अपार्टमेंटमुळे चर्चेत आली आहे. मलायकाने मुंबईतील अंधेरी पश्चिम येथील तिचे आलिशान अपार्टमेंट कोट्यवधी रुपयांना विकल्याचे वृत्त आहे.
स्क्वेअर यार्डसच्या मते, अभिनेत्रीने तिचे आलिशान निवासी अपार्टमेंट ५.३० कोटी रुपयांना विकले आहे. मिळालेल्या माहितीनुसार, हा व्यवहार गेल्या महिन्यात ऑगस्टमध्ये नोंदणीकृत झाला होता.
२०१८ मध्ये अपार्टमेंट खरेदी केली होती
स्क्वेअर यार्ड्सने पुनरावलोकन केलेल्या आयजीआर कागदपत्रांनुसार, ही मालमत्ता अंधेरी पश्चिमेतील रनवाल एलिगंट बाय लोखंडवाला कॉम्प्लेक्समध्ये आहे. मलायका अरोराने विकलेल्या अपार्टमेंटचा कार्पेट एरिया १,३६९ चौरस फूट आणि बिल्ट-अप एरिया १,६४३ चौरस फूट आहे. या व्यवहारात एक कार पार्किंग स्पेसदेखील समाविष्ट आहे. या करारात ३१.०८ लाख रुपये स्टॅम्प ड्युटी आणि ३०,००० रुपये नोंदणी शुल्क समाविष्ट होते. मलायकाने मार्च २०१८ मध्ये ती ३.२६ कोटी रुपयांना खरेदी केली, ज्यामुळे त्याची किंमत सुमारे २.०४ कोटी रुपयांनी वाढली.
अंधेरी पश्चिम हे मुंबईतील एक प्रमुख निवासी क्षेत्र आहे. या भागात अनेक आलिशान निवासस्थाने आणि सुविधा उपलब्ध आहेत. हा परिसर वेस्टर्न एक्स्प्रेस हायवे, एसव्ही रोड, उपनगरीय रेल्वे आणि वर्सोवा-घाटकोपर मेट्रो कॉरिडॉरने मोठ्या प्रमाणात जोडलेला आहे.
या करारामुळे, अभिनेत्रीला आता चांगला नफा झाला आहे. मलायका अरोराची एकूण मालमत्ता सुमारे ९८ कोटी रुपये असल्याचे सांगितले जाते. तिला जाहिराती, सोशल मीडिया आणि मॉडेलिंगमधून उत्पन्न मिळते. त्यासाठी अभिनेत्री सुमारे पाच कोटी रुपये घेते.
मलायकाच्या कामाबद्दल बोलायचे झाले तर, ती अनेकदा डान्स रिअॅलिटी शोमध्ये जज म्हणून दिसते. त्याचबरोबर अनेक चित्रपटांमधील तिचे डान्सही खूप हिट झाले आहेत. आता मलायकाचा सुंदर डान्स आयुष्मान खुरानाच्या आगामी ‘थामा’ चित्रपटातही दिसणार आहे. अभिनेत्रीनं एका आयटम साँगसाठी १.५ कोटी रुपये घेतले आहेत. मलायकाचे व्हिडीओ आणि फोटो सोशल मीडियावर खूप व्हायरल होतात.
