आलियाचा ‘गंगूबाई काठियावाडी’ १०० कोटींच्या क्बबमध्ये दाखल! चित्रपटानं केला नवा विक्रम

समीक्षक तरण आदर्श यांनी गंगूबाई काठियावाडीच्या कलेक्शनबाबत एक ट्वीट केलं आहे. त्यांनी चित्रपटाच्या कलेक्शनचे आकडे त्यांच्या ट्वीटमध्ये दिले आहे. त्यांनी लिहिलं, ‘गंगूबाई काठियावाडीनं आज बॉक्स ऑफिसवर सेंच्युरी पूर्ण केली. लॉकडाऊन नंतर १०० कोटींच्या क्लबमध्ये पोहोचणारा हा चौथा चित्रपट ठरला आहे. याआधी सूर्यवंशी, पुष्पा हिंदी आणि ८३ या चित्रपटांनी १०० कोटींचा गल्ला जमवला आहे.’

आणखी वाचा- ‘चला हवा येऊ द्या’मध्ये दिसणार अक्षय कुमारचा मराठमोळा अंदाज, या अभिनेत्रीसोबत केला धम्माल डान्स

आलिया भट्टची मुख्य भूमिका असलेल्या या चित्रपटाला प्रेक्षकांनी भरभरून प्रेम दिलं आहे. सोशल मीडियावरही या चित्रपटाची बरीच चर्चा झाली. एवढंच नाही तर समीक्षकांनीही आलिया भट्टच्या अभिनयाचं कौतुक केलं आहे. आलिया भट्टच्या अभिनयातूनच चित्रपटासाठी तिने घेतलेली मेहनत दिसून येत आहे.

आणखी वाचा- प्रसिद्ध अभिनेत्यानं १५ वर्षीय रेखा यांना तब्बल ५ मिनिटं जबरदस्तीने केलं किस, अन्…

आलिया भट्टची मुख्य भूमिका असलेला ‘गंगूबाई काठियावडी’ हा चित्रपट मुंबईतील कमाठीपुराच्या माफिया क्वीन म्हणून ओळखल्या जाणाऱ्या गंगूबाई यांच्या जीवनावर आधारित आहे. या चित्रपटाचं दिग्दर्शन संजय लीला भन्साळी यांनी केलं आहे. अगदी कमी वयात स्वतःच्या नवऱ्यानंच कमाठीपुरा येथील एका कोठ्यावर विकल्यानंतर अनेक संघर्ष करत गंगूबाई तिथल्या माफिया क्वीन कशा झाल्या, याची कथा आता मोठ्या पडद्यावर पाहायला मिळत आहे. या चित्रपटात अजय देवगण करीम लाला ही भूमिका साकारताना दिसत आहे.