आलिया भट्टच्या बहिणीला बलात्कार व जीवे मारण्याची धमकी; करणार कायदेशीर कारवाई

अवश्य वाचा – आणखी एका कलाकाराची आत्महत्या; २७ व्या वर्षी गोळी घालून संपवलं आयुष्य

अवश्य वाचा – टाळ्या-थाळ्या झाल्या, आता डीजे वाजवायचा का?; बॉलिवूड गायकाचा केंद्राला सवाल

शाहिनने एका इन्स्टाग्राम पोस्टद्वारे तिला जीवे मारण्याच्या धमक्या दिल्या जात असल्याचे सांगितले. “आक्षेपार्ह कॉमेंट करणाऱ्या लोकांविरोधात मी आता आवाज उठवणार आहे. ज्या मंडळींनी मला जीवे मारण्याची धमकी दिली, तसेच अश्लिल मेसेज पाठवले, माझ्या कुटुंबियांबाबत गैरवर्तणूक केली अशा मंडळींविरोध मी कायदेशीर कारवाई करणार आहे. त्यांच्या मेसेजचे स्क्रीन शॉट इन्स्टाग्रामला पाठवून त्यांच्यावर कडक कारवाई करण्याची मागणी करणार आहे.” अशा आशयाची पोस्ट तिने केली. तसेच तिने काही नेटकऱ्यांच्या कॉमेंटचे स्क्रीन शॉट देखील पोस्ट केले आहेत. तिची ही पोस्ट सध्या सोशल मीडियावर सर्वांचेच लक्ष वेधून घेत आहे.