“भक्तीत तल्लीन व्हा…” दिवाळीच्या निमित्ताने अमृता फडणवीसांचे नवीन गाणे प्रेक्षकांच्या भेटीला

अमृता फडणवीस या कायमच त्यांच्या म्युझिक अल्बममुळे चर्चेत असतात. यंदाच्या दिवाळी आणि लक्ष्मी पुजनाच्या निमित्ताने त्यांचे नवीन गाणे प्रदर्शित झाले आहे. ॐ जय लक्ष्मी माता … असे या गाण्याचे बोल आहेत. त्यांनी त्यांच्या अधिकृत ट्विटरवर ट्वीट करत याबद्दलची माहिती दिली आहे. या गाण्याची झलक असलेला एक व्हिडीओ त्यांनी शेअर केला आहे.
आणखी वाचा : “मला फक्त रागवता येते…” जया बच्चन यांनी स्वत:च सांगितले चिडचिडपणामागचे कारण

“दिवाळी २०२२ आणि लक्ष्मी पूजेच्या शुभप्रसंगी माझी लक्ष्मी मातेसाठीची आरती ऐका आणि देवीच्या भक्तीत तल्लीन व्हा, प्रेम से बोलो, ॐ जय लक्ष्मी माता …!” असे कॅप्शन त्यांनी या ट्वीटला दिले आहे. अमृता फडणवीस यांनी गायलेले हे गाणे सध्या प्रचंड चर्चेत आहे.

अवघ्या तासाभरापूर्वी प्रदर्शित झालेल्या या गाण्याला प्रेक्षकांची मोठी पसंती मिळताना दिसत आहे. युट्यूबवरील या गाण्याला १ हजारहून अधिक लाईक्स मिळाले आहेत. तसेच अनेकांनी यावर कमेंट करत ते गाणे फार चांगलं झाल्याचे सांगितले आहे. अनेकांनी या व्हिडीओवर कमेंट करताना फार छान, दिपावलीच्या शुभेच्छा असे म्हटले आहे. त्यांचे हे गाणे सध्या व्हायरल होताना दिसत आहे.